माघ २४ गते संसदमा सबै दलका शीर्ष नेताहरुले सम्बोधन गर्ने निर्णय
यही माघ २४ गते प्रतिनिधि सभामा संसदमा प्रतिनिधित्व गर्ने सबै दलका शीर्ष नेताहरुले सम्बोधन गर्ने भएका छन् ।
माघ २२ गतेदेखि संघीय संसदको हिउँदे अधिवेशन सुरु हुँदैछ । त्यस अगाडि शुक्रबार बसेको सभामुख देवराज घिमिरेसहित सबै दलका सचेतक र प्रमुख सचेतकहरूको बैठकले यस्तो निर्णय गरेको हो ।
पहिलो दिन राष्ट्रपति कार्यालयको पत्र पढेर सुनाउने, प्रधानमन्त्री तथा मन्त्रिपरिषद्को कार्यालयको पत्र पढेर सुनाउने, सरकारले ल्याएका अध्यादेशहरू पेश गर्ने, शोक प्रस्ताव पारित गर्ने कार्यसूची रहनेछ ।
२२ गते दिउँसो ४ बजे संसद बैठक बोलाइएको छ । ढिलो बैठक बोलाइएका कारण शीर्ष नेताहरूको सम्बोधन अर्को दिनका लागि राखिएको हो ।यसको औपचारिक निर्णय भने प्रतिनिधि सभाको कार्य व्यवस्था परामर्श समितिको बैठकले गर्नेछ ।
यसपटकदेखि प्रतिनिधि सभामा संसदीय क्यालेण्डर लागू गर्ने पनि संसद सचिवालयको तयारी छ ।
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_kX2YMe9wPA_mkwmna0819zgcgzvlo30kjv4ekycw0c015yjvt8wb7z2iuhmvrojcc3pb0zm.jpg.370x245_q70_crop.jpg)
Comments