जुम्लासहित उच्च हिमाली भेगमा हिमपात, हवाई सेवा अवरुद्ध
जिल्लामा यस वर्षकै पहिलो हिमपात भएको छ । गतवर्षभन्दा यसवर्ष ढिलोगरी हिउँ परेको हो । त्यहा आज बिहानैदेखि हिमपात भएको छ । सदरमुकाम खलंगासहित जिल्लाभर करिब आधा फिट हिउँ जमेको छ ।
ढिलोगरी हिमपात भएपछि हिउँदै बाली लगाएर आकाशे पानीको पर्खाइमा रहेका किसान खुसी भएको जिल्लाको तिला गाउँपालिमा–१ का स्थानीय बासिन्दा पार्वती बुढाले जानकारी दिइन् ।
यसवर्षको हिउँदेयामको यो पहिलो हिमपात हो । अहिले हिमपात भइरहेको छ । माघ लाग्दा पनि हिउँ नपरेपछि खडेरी लाग्ने भन्दै किसान चिन्तामा थिए । जौ र गहुँबाली लगाएका किसानलाई भने यो हिउँले निकै राहत भएको कृषि विकास कार्यालयले जनाएको छ ।
माथिल्लो कर्णालीमा हिमपात सुरु भएसँगै हवाई सेवा भने अवरुद्ध भएको छ ।
यसैबीच, हुम्लामा पनि गएराति देखि हिमपात भएको छ । हुम्लामा यो वर्ष तेस्रो पटक हिमपात भएको हो । हिमपात भएसँगै किसान खुसी भएका छन् ।
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_kX2YMe9wPA_mkwmna0819zgcgzvlo30kjv4ekycw0c015yjvt8wb7z2iuhmvrojcc3pb0zm.jpg.370x245_q70_crop.jpg)
Comments