सन्दीप लामिछानेलाई ८ वर्ष कैद सजाय तोकियो
नेपाली राष्ट्रिय क्रिकेट टिमका पूर्व कप्तान सन्दीप लामिछानेलाई ८ वर्ष कैद सजाय तोकिएको छ ।
बलात्कारको मुद्दामा उनलाई जिल्ला अदालत काठमाडाैंले बुधबार यस्तो फैसला गरेको हो । गत पुस १३ मा लामिछाने बलात्कार मुद्दामा दोषी ठहर भएका थिए ।
जिल्ला अदालतका न्यायाधीश शिशिरराज ढकालको एकल इजलासले उनलाई दोषी ठहर गरेको थियो । बुधबार ढकालकै इजलासले उनलाई सजाय तोकेको हो ।
उनीविरुद्ध परिवर्तित नाम गौशाला २६ ले मुद्दा दायर गरेकी थिइन् । अदालतले जरिवाना र क्षतिपूर्ति गरेर पीडितलाई ५ लाख रुपैयाँ क्षतिपूर्ति भराउने फैसला पनि गरेको छ ।
सन्दीपले यो फैसलामा चित्त नबुझे माथिल्लो अदालतमा पुनरावेदन गर्न पाउनेछन् ।
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_CmfJUBbeFw_ebaluhr1eocfhqpfsugk7p3tlyx9ormfh5gs9mzekqntxcm7838amwozg5db.jpg.370x245_q70_crop.jpg)
Comments