ज्वालामुखी विस्फोटपछि इन्डोनेसियाको मिनाङ्काबाउ विमानस्थल बन्द
इन्डोनेसियाको पश्चिमी सुमात्रा प्रान्तमा रहेको मिनाङ्काबाउ अन्तरराष्ट्रिय विमानस्थल शुक्रबार अस्थायी रूपमा बन्द गरिएको छ । मारापी क्षेत्रमा ज्वालामुखी विस्फोटपछि उक्त निर्णय लिइएको बताइएको छ ।
‘यस निर्णयबाट असुविधा हुनसक्छ । तर सबैको सुरक्षा मुख्य प्राथमिकता हो, र आशा छ अवस्था चाँडै सुधार हुनेछ’, यातायात मन्त्रालयको हवाई यातायातका महानिर्देशक क्रिस्टी एन्डाह मुर्नीले उल्लेख गरेका छन् ।
उनले ज्वालामुखीको खरानीले इन्जिनलाई हानि पुर्याउन सक्छ र उडानमा खतरामा पार्न सक्ने बताए । विमानस्थल बन्दका कारण २९ ओटा उडान पुनः सार्नुपरेको थियो ।
गत ३ डिसेम्बरमा मारापी ज्वालामुखी विस्फोट हुँदा २३ जना पर्वतारोहीको मृत्यु भएको थियो भने ५२ जना घाइते भएका थिए ।
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_CmfJUBbeFw_ebaluhr1eocfhqpfsugk7p3tlyx9ormfh5gs9mzekqntxcm7838amwozg5db.jpg.370x245_q70_crop.jpg)
Comments