राष्ट्रियसभा निर्वाचनका लागि तोकियो मतदानस्थल, प्रत्येक प्रदेशमा एउटा
निर्वाचन आयोगले राष्ट्रियसभा निर्वाचनका लागि मतदानस्थल तोकेको छ । आगामी माघ ११ गते हुने निर्वाचनका लागि आयोगले मतदानस्थलसँगै मतदान केन्द्र पनि तोकेको हो ।
आयोगका अनुसार प्रत्येक प्रदेशमा एक-एक वटा मतदान स्थल रहनेछन् ।
कोशी प्रदेशका लागि प्रदेश निर्वाचन कार्यालय, विराटनगर, मोरङ, मधेश प्रदेशका लागि महेन्द्र नारायण निधि मिथिला संस्कृति केन्द्र, जनकपुरधाम, धनुषा र वागमती प्रदेशका लागि श्री भुटनदेवी मा.वि प्राविधिक शिक्षालय, ब्लक प्राविधिक भवन, हेटौडा, मकवानपुरका लागि मतदानस्थल तोकिएको आयोगले जनाएको छ ।
त्यस्तै गण्डकी प्रदेशका लागि प्रदेश निर्वाचन कार्यालय, पोखरा, कास्की। लुम्विनी प्रदेशका लागि कर्मचारी मिलन केन्द्रको भवन, घोराही, दाङ, कर्णाली प्रदेशका लागि प्रदेश निर्वाचन कार्यालय, सुर्खेत र सुदूरपश्चिम प्रदेशका लागि प्रदेश सभा भवन, धनगढी, कैलालीलाई मतदान स्थल तोकिएको छ ।
_BfhlEkRKhf_msbqtezvrrwljwst05plgcnj4xnivs0vquvvj4ts8nbx1b0alf6s0n593cin_MfrhC1CuNn_criiwalkfltvcgslqyjixmzhuwexumvgqtycmc1dazfohhb1k9fchuq0vutz.jfif.370x245_q70_crop.jpg)
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_CmfJUBbeFw_ebaluhr1eocfhqpfsugk7p3tlyx9ormfh5gs9mzekqntxcm7838amwozg5db.jpg.370x245_q70_crop.jpg)
Comments