इजरायलमा १० नेपालीको मृत्युमा मंगलबार राष्ट्रिय शोकको घोषणा, मृतकका परिवारलाई जनही १० लाख रुपैयाँ दिने

Laltin.com

असोज २२, २०८० सोमबार

सरकारले इजरायल आक्रमणमा परी ज्यान गुमाएका नेपालीको परिवारलाई १०–१० लाख राहत दिने निर्णय गरिएको छ ।

त्यस्तै सरकारले इजरायलमा मृत्यु भएका नेपालीको शोकमा भोलि (मंगलबार) राष्ट्रिय शोक घोषणा गरेको छ ।

सोमबार बसेको मन्त्रिपरिषद्को विशेष बैठकले यस्तो निर्णय गरेको हो ।

उपप्रधान तथा गृहमन्त्री नारायणकाजी श्रेष्ठका अनुसार इजरायलबाट नेपाल फर्कन चाहने सबैको खर्च सरकारले नै बेहोर्ने छ ।

त्यस्तै अनलाइन फारम भरेका आधारमा संख्या पुगेपछि उनीहरूलाई लिन जहाज पठाइने पनि बताइएको छ ।