अहिले संविधान संशोधन आवश्यक छैन: ओली
पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीले अहिले संविधान संशोधन गर्न आवश्यक नभएको बताएका छन् ।
नेकपा एमालेले संविधान दिवससँगै स्वर्गीय नेता सुवास नेम्वाङको स्मृतिमा आयोजना गरेको ‘सुवास र संविधान’ शीर्षकको अन्तरक्रियामा बोल्दै अध्यक्ष ओलीले अहिले संविधान संशोधनभन्दा पनि कार्यान्वयन महत्वपूर्ण भएको बताएका हुन् ।
दुईपटक संविधान संशोधन भइसकेको भन्दै उनले अब टुक्रा–टुक्रामा भन्दा पनि अलिपछि एकैचोटि संशोधन गर्नुपर्ने बताएका छन् ।
‘अब संविधान संशोधन गर्दा हामीले अलिकति बढी व्यापक, तत्काल चाहिएको एउटामात्रै विषय होइन, केही विषयहरू जो राम्रै छलफल गरेर संविधान संशोधन गर्नुपर्ने हुन्छ’, उनले भने ।
उनले संविधान निर्माणमा स्वर्गीय नेता नेम्वाङले निर्बाह गरेको भूमिकाको प्रशंसा गरे । नेम्वाङको राजनीतिक, कानुनी व्यक्तित्व निष्कलंक, खोटरहित रहेको पनि उनको भनाइ थियो ।
_icNh4KFifr_dx5oecogtyoc8yfoknlgxhyrmsuvp48p2rxvz9wyra3fvgwufi1jqrploz3a_3pmsyRcnHJ_ilfgqpertfoifsksycmgpqe9djs5xjhnb1xhx4fqflykkvk0oqkcwjuxciaf.jfif.370x245_q70_crop.jpg)
_BJSTcwznbE_stfeqagabwg9tch7hhw5zpbemyutbqr7tni0kdur9hv0nrbwbgjf9ivc11gy_OqPqpWkaGq_nszassfdnphsfdxhthgpdd0xrdr9wsq1xkw5ee1doptptastbiz8ajxkgazr.jfif.370x245_q70_crop.jpg)
Comments