एसिया कपः आज भारत र पाकिस्तान भिड्दै, खेल दिउँसो ३ः१५ बजे शुरु हुने

Laltin.com

भदौ २४, २०८० आइतबार

एसिया कप क्रिकेट अन्तर्गत आज भारत र पाकिस्तान भिड्दै छन् । खेल श्रीलंकाको कोलम्बोमा दिउँसो ३ः१५ बजे शुरु हुनेछ ।

समूह चरणमा पनि यी दुवै टिम एउटै समूहमा रहेका थिए । तर वर्षाले गर्दा पूरा हुन सकेको थिएन ।

यो खेलमा पनि वर्षा हुन सक्ने आँकलन भइरहेको छ।

सुपर फोरमा भारतले पहिलो खेल खेल्दै गरेको हो । पाकिस्तानले भने पहिलो खेलमा बंगलादेशलाई हराएको थियो ।

यता, सुपर फोरमा लगातार दुई खेल हारेसँगै बंगलादेश एसिया कप क्रिकेटबाट एक खेलअघि नै बाहिरिएको छ ।

सुपर फोरको पहिलो खेलमा पाकिस्तानसँग पराजित भएको बंगलादेश दोस्रो खेलमा शनिबार राति श्रीलंकासँग हारेको हो ।