विद्युतीय सवारीमा लगानी गर्न प्रभु बैंकले लक्जेम्बर्गबाट ल्यायो ५० लाख डलर ऋण
विद्युतीय सवारी साधनमा लगानी गर्न प्रभु बैंकले ५० लाख डलर बराबरको ऋण सुविधा प्राप्त गरेको छ ।
बैंकले विश्व वातावरण दिवसको दिन लक्जम्बर्गको एमएसएमई ईन्टरप्राईजेज बन्ड एसएबाट सो ऋण सुविधा प्राप्त गरेको हो ।
हरित लगानी अन्तर्गत विद्युतीय सवारी साधनहरूमा लगानी गर्न ४ वर्ष अवधिका लागि उक्त ऋण सुविधा पाएको बैंकले जनाएको छ ।
लक्जम्बर्गको एमएसएमई ईन्टरप्राईजेज बन्ड एसएबाट प्राप्त भएको उक्त ऋण सुविधा सार्वजनिक यातायात र व्यक्तिगत प्रयोजनका लागि प्रयोग हुने विद्युतीय सवारीसाधनहरू खरिद तथा आयातका लागि सहज रूपमा उपलब्ध गराइने प्रभु बैंकका प्रमुख कार्यकारी अधिकृत (सिइओ) अशोक शेरचनले जानकारी दिएका छन् ।
बैंकले वैकल्पिक ऊर्जा तथा एमएसएमई व्यवसाय प्रवर्द्धनका लागि अन्य अन्तर्राष्ट्रिय संस्थाहरूसँग पनि सहकार्यका लागि पहल गरिरहेको र उक्त पहलले छिट्टै मुहूर्त रूप लिने विश्वास लिएको छ ।
_luby6l6dBd_yxwsjevdlvvs8pivlpuro0eiruou75u5gg4pxgtlp8ygusvj0xhyph9s1dmv_61mV591KSm_n5zejlg4d6heho8rpbp2whzrdh7eq88c801gaysxk0bph1ynruspnaxzm0nq.jfif.370x245_q70_crop.jpg)
_prAoeH93Tl_4yksxhkecdxatjiuv7qmf1nt4tck9jiscmxbq3sp0shawiqkrn6vfemfbiep_eGLnNNnw2H_uwfe9husexslkv3nzfemvdcqy1xtwyze58ygg3ra9wjmv7oetbcvjq4oxzlq.jpg.370x245_q70_crop.jpg)
Comments