मदन आश्रित स्मृति दिवसमा बल्खुमा एमालेको बिशेष कार्यक्रम
नेकपा (एमाले)ले तत्कालीन महासचिव मदन भण्डारी र संगठन विभाग प्रमुख जीवराज आश्रितको स्मृति दिवसमा बुधवार मदन नगर, बल्खुमा बिशेष कार्यक्रम गर्दैछ ।
एमालेका अनुसार ‘मदन–आश्रित स्मृति’ कार्यक्रममा अध्यक्ष केपी शर्मा ओली लगायत पार्टीका शीर्ष नेताहरूले जननेता भण्डारी र नेता आश्रितको तस्वीरमा माल्यार्पण गर्ने कार्यक्रम रहेको छ । सो कार्यक्रमलाई अध्यक्ष ओलीले सम्बोधन गर्नेछन् ।
विहान ७.४५ बजे हुने सो कार्यक्रममा उपस्थितिका लागि एमालेले नेता तथा कार्यकर्ता र शुभेच्छुकहरूलाई निमन्त्रणासमेत गरेको जनाएको छ ।
जननेता भण्डारी र नेता आश्रितको २०५० साल जेठ ३ गते चितवनको दासढुङ्गामा षडयन्त्रपूर्ण दुर्घटनाबाट निधन भएको थियो ।
_RL2SJ1J8ti_p1urvoztbh1ohszvuhnzspfyv7ggdvff6d5yd5eztrrpzop81m95ztfgd9wo_pD0HP3l7u1_wblaezqnrix64yuy0dpk31lccsmuazs2qkg28npesx99xxt7gmnqfvmy4f49.jpg.370x245_q70_crop.jpg)
Comments