एक्कोर समूहले नेपालमा ‘मर्क्याेर काठमाडौं’ होटल निर्माण गर्ने

होटल व्यवसायमा विश्वकै अग्रणी मानिने एक्कोर समूहले नेपालमा पनि ‘मक्र्योर काठमाडौं’ होटल निर्माण गर्ने भएको छ । 

‘मक्र्योर काठमाडौं’ निर्माण गर्न नेपालमा दि मेट्रोपोलिटन होटल प्रालि नामक कम्पनी स्थापना गरिएको छ । सन् २०२३ मा होटल निर्माण गर्न दि मेट्रोपोलिटन होटल प्रालि र एक्कोर इन्डिया एण्ड साउथ एसियाबीच सम्झौतामा सोमबार हस्ताक्षर भएको छ । सम्झौताअनुसार काठमाडौंमा १०२ कोठाको सुविधा सम्पन्न होटल निर्माणमा लगानी गर्नुका साथै काठमाडौंको रिङरोड परिसरमा होटलको संरचना रहने  जनाइएको छ ।

नेपाल उद्योग वाणिज्य महासंघ (एफएनसिसिआइ) तथा सार्क चेम्बर अफ कर्मसमा आवद्ध व्यवसायी देशबन्धु बस्नेत, विजया बि. मल्ल तथा राजेन्द्र राउत होटलको प्रवर्द्धन गर्न स्थापना गरिएको दि मेट्रोपोलिटन होटल प्रालिको मुख्य सञ्चालक छन् । होटलमा सेवा लिन आउने पाहुनाको लागि बास बस्ने व्यवस्थासँगै खाना खाने रेष्टुरेन्ट तथा बार एवं फिटनेट सेन्टर राख्ने बताए । 

एक्कोर इन्डिया एण्ड साउथ एसियाका वरिष्ठ उपाध्यक्ष पुनीत धवनका साथै भारत र दक्षिण एसिया हेर्ने एक्कोरका अर्का उपाध्यक्ष अनिरुद्धकुमार विकास होटल स्थापना गर्नका लागि सम्झौता गर्न पाउँदा खुशी लागेको बताए ।