शिवम् सिमेन्टद्वारा ‘शिवमसँग उपहार टन्न’ योजना सार्वजनिक!

शिवम् सिमेन्टले ‘ शिवमसँग उपहार टन्न’ पहल घोषणा गरेको छ । यसको सफलताको सम्पूर्ण श्रेय आफ्नो ग्राहकलाई दिँदै, व्यवसायले यो ग्राहक-केन्द्रित उपहार प्याकेज योजना ल्याएको हो । यस कार्यक्रमअन्तर्गत उपभोक्ताले आफूले किनेको शिवम सिमेन्टको प्रत्येक २० बोराको लागि एउटा नि:शुल्क स्क्रया कुपन भाउचर  प्राप्त गर्नेछन् ।  उक्त कुपन स्क्रया गरी २ सय रुपैयाँदेखि ५ सय रुपैयाँसम्म नगद वा १५ ग्राम चाँदीको सिक्का वा २.५० ग्रामदेखि ५ ग्रामसम्म सुनको सिक्का वा सुनको सिक्री पक्का उपहार जित्नसक्ने कम्पनीले जनाएको छ ।

मासिक लक्की ड्र र मेगा लक्की ड्रमा प्रयोगकर्ताहरूले एउटै कुपनमार्फत तीन पटकसम्म जित्ने अवसर पाउनेछन्। जसमा मासिक लक्की ड्रमार्फत पहिलो पुरस्कार दुई जोडी भाग्यशाली ग्राहकलाई थाइल्याण्ड भ्रमण, दोस्रो पुरस्कार चार जोडीलाई हेलिटुर, तेस्रो पुरस्कार छ जनालाई आधा केजी चाँदी प्रदान गरिने छ । चौथो पुरस्कार आठ जनालाई हिराको औंठी र पाँचौ पुरस्कार दश जोडीलाई हिमाल उडान हुनेछ ।

योजना अनुसार मासिक लक्की ड्रमा प्रवेश गरेका तर पुरस्कार नजितेका कुपनलाई अन्तिम महिनाको कुपनसँगै मेगा लक्की ड्रमा पुनः समावेश गरिने छ ।
मेगा लक्की ड्रमार्फत दुई जना भाग्यशाली ग्राहकले पाँच तोला सुन पाउनेछन् भने अन्य चार जनाले तीन तोला, छ जनाले दुई तोला र बाँकी आठ जनाले एक तोला सुन पाउनेछन् । १० जनाले पनि आधा तोला सुन उपहार प्राप्त गर्न सक्नेछन् । लक्की ड्रको कुपनमा उल्लेखित विवरण र मोबाइल नम्बरको आधारमा विजेता घोषणा गरिने र सोही आधारमा ग्राहकले उपहार दाबी गर्नुपर्ने कम्पनीले जानकारी गराएको छ

यो उपहार योजना २०७९ मंसिर १८ देखि नेपालभर लागू गरिएको छ । स्क्रयामार्फत हात खाली नजाने पक्का उपहारअन्तर्गतको नगद उपहार सिमेन्ट खरिद गर्ने वितरकबाट तुरुन्तै प्राप्त हुने तथा सुन र चाँदीको लागि मोबाइल नम्बर ९८०१११४६५८ मा सम्पर्क गरी शिवम् सिमेन्टको विक्री कार्यालयहरूबाट प्राप्त गर्न सकिने व्यवस्था मिलाइएको कम्पनीले जनाएको छ ।