एफवान सफ्टको युज मोबाइल डटकम संचालनमा

Laltin.com

कात्तिक २३, २०७९ बुधबार

एफवान सफ्ट इन्टरनेशनलले ‘युज मोबाइल बैंकिङ डटकम’ को लन्च गरेको छ ।

यस कम्पनीले वेबसाइटमार्फत मोबाइल बैंकिङसँग परिचित गराउन थप मद्धत पुग्ने विश्वास लिएको छ । एफवान सफ्टले विकास गरेको यस वेबसाइटमा सबै बैंकिङ अनुप्रयोगहरुका लागि ट्युटोरियलहरु (सन्दर्भ सामग्री) राखिएका छन् र सोहि मोबाइल बैंकिङ प्रयोगको ट्युटोरियल हेर्न सकिने बताए ।

उक्त वेबसाइटमा मोबाइल बैंकिङसम्बन्धी नवीनतम तथ्य, तथ्यांक र डाटाका साथसाथै लेख, ब्लग र यस क्षेत्रका विशेषज्ञहरुका विचारहरु पनि निरन्तर अपडेट हुने कम्पनीले जनाएको छ । युज मोबाईल डटकम एफवान सफ्ट इन्टरनेशनलले मोबाइल बैंकिङको प्रयोगलाई बढावा दिन र बानी बसाल्न सघाउने कम्पनीको विश्वास छ ।

एफवान सफ्ट प्रमुख कार्यकारी अधिकृत सुवाश शर्माले यस वेबसाइटमार्फत् मोबाइल बैंकिंङका प्रयोगकर्तालाई टेक्नोलोजीमा अधिक परिचित गराउन खोजिएको जानकारी दिएका छन् ।