सोफिया अमोरुसो: चोरी गरेर गुजारा गर्ने केटी कसरी बनिन् एक सफल उद्यमी !

सफल उद्यमीहरुको कथा खोज्दा, सोफिया अमोरुसो उक्त सूचीमा उच्च स्थानमा हुन्छिन्। उनी  एक अमेरिकी व्यवसायी र उद्यमी हुन्।

अमोरुसोको जन्म २० अप्रिल १९८४ मा क्यालिफोर्नियाको सान डिएगोमा भएको थियो। उनी ग्रिक , इटालियन र पोर्चुगिज मूलकी हुन्। किशोरावस्थामा डिप्रेसन र एटेन्सन डेफिसिट हाइपरएक्टिभिटी डिसअर्डर (एडीएचडी) भएको पत्ता लागेपछि उनले स्कूल छोडेकी थिइन्। एडीएचडी भन्ने समस्याले बच्चाहरुमा एकाग्रताको कमि हुन्छ र साह्रै चंचलता हुन्छ।  यी समस्याहरूको सामना गर्न उनले होमस्कूलिङ सुरु गरेकी थिइन्। 

आफ्नो प्रारम्भिक वर्षहरूमा उनले सानोतिनो काम गर्थिन् । उनले सबवे जस्ता रेस्टुरेन्टहरूमा वेट्रेसको काम पनि गरिन्। आफ्ना आमाबाबुको सम्बन्धविच्छेद पछि, अमोरुसो सेक्रामेन्टो, सीएमा सरिन। त्यहाँ उनीसँग पैसा थिएन । उनले आफ्नो जीवन हिचहाइकिङ्ग, पसल र डस्टबिनबाट चोरी गर्ने आदि काममा बिताएकी थिइन्।

तथापि, २००६ मा, अमोरुसोलाई त्यो तामसिक जीवनले पर्याप्त पाठ सिकाएको थियो। उनी फेरि लयमा फर्कन चाहन्थिन् र सफल जीवन-यापन गर्न चाहन्थिन्। उनले ईबेमा नेस्टी ग्याल भिन्टेज नामबाट भिन्टेज कपडाहरू बेच्न सुरु गरिन्। सुरुमा आर्थिक वृद्धि दर सुस्त भए पनि उनले हार मानिनन् । सन् २००८ सम्ममा उनको आम्दानी बढेर २,२३,००० अमेरिकी डलर पुगेको थियो भने सन् २०११ सम्ममा यो लगभग २३ मिलियन अमेरिकी डलर पुगेको थियो। वास्तवमा, न्यूयोर्क टाइम्सले पनि उनको बारेमा एक आवरण कथा बनायो र उनको नाम "टेकको सिंड्रेला" राख्यो।

अमोरुसोको उद्यमी कथा समयको साथ विकसित भएको छ। उनले आफ्नो जीवन र अनुभवबारे एउटा पुस्तक पनि लेखेकी छिन् । यो एक टिभी श्रृंखला बन्यो र नेटफ्लिक्सद्वारा प्रसारित भएको थियो। यद्यपि उनी अब नास्टी गलको सीईओ छैनन्, उनले एक्लैले बुहु जस्ता ठूला खुद्रा ब्रान्डहरूसँग सहकार्य गरेर $ २० मिलियन कमाइन्। २०१७ मा, अमोरुसो गर्लबोस मिडियाको संस्थापक बनिन्। उनको उद्देश्य एक जीवनशैली पत्रिका सिर्जना गर्नु थियो, जुन मुख्यतया: आधुनिक महिलाहरूको मनोरन्जनमा केन्द्रित थियो। उनले यो मिडिया हाउसबाट पनि पर्याप्त धन-आर्जन गरिन् ।

अमोरुसोको सफल उद्यमशीलताको कथाले हामीलाई सिकाउँछ कि कहिलेकाहीं जीवन योजनाअनुसार चल्दैन। गरिब भएर जन्मनु भनेको तपाईंले सामना गर्नुपर्ने सबैभन्दा ठूलो संघर्षहरूमध्ये एक हो। यस्तो समयमा तपाईं आफैलाई हराएको र संघर्ष गरिरहेको पाउनुहुन्छ, र तपाईं विश्वास गर्नुहुन्छ कि बाटो कहिल्यै राम्रो हुँदैन। तर, कुनै बिन्दुमा तपाईंले यसलाई बाहिर निस्कनु पर्छ र महसुस गर्नुपर्छ कि तपाईंसँग मात्र तपाईंको जीवन परिवर्तन गर्ने शक्ति छ। अमोरुसोले त्यसै गरिन्। उनले केही नराम्रा वर्षहरूले आफ्नो सम्पूर्ण जीवनलाई असर गर्न दिएकी थिइनन्। अन्त्यमा, उनले चीजहरू आफ्नै हातमा लिने निर्णय गरिन् र सानो व्यवसाय सुरु गरिन्। व्यापार बिस्तारै बढ्दै गयो । उनले अवसरहरूको फाइदा उठाईन् र आज उनीसँग सफल उद्यमशीलताको एक शानदार कहानी छ।