कागोसिमा र ओकिनावामा भारी वर्षा, आपतकालीन चेतावनी जारी
जापानी मौसम विज्ञान विभागले कागोसिमा र ओकिनावामा भारी वर्षाको कारण देखाउँदै शनिबार आपतकालीन चेतावनी जारी गरेको छ । जसमा बाढी पहिरोलगायतका जोखिमको सम्भावना उल्लेख गर्दै अधिकतम सावधानी अपनाउन आह्वान गरिएको छ ।
विभागअनुसार प्रतिकुल मौसमले कागोसिमाको योरोन सहर ओकिनावा प्रान्तमा अस्थिर वायुमण्डलीय अवस्था सिर्जना गर्दा भारी वर्षा भएको हो ।
योरोनमा, २४– घन्टामा ५९४ मिमी वर्षा भएको छ जुन सन् १९७८ मा डाटा सङ्कलन शुरु भएदेखिको सबैभन्दा बढी हो ।
ओकिनावाको हिगाशी गाउँमा २४ घण्टामा ४४२ मिमीको वर्षा रेकर्ड भएको जनाउदै स्थानीय अधिकारीहरूले बाढी प्रभावित क्षेत्रमा पहिरोको जोखिम रहेको रिपोर्ट गरेका छन् भने साँझसम्म गम्भीर वर्षा हुने अनुमान गरिएको छ ।
यस क्षेत्रका बासिन्दाहरूलाई सम्भावित बाढी–पहिरो र नदीको बढ्दो स्तरका लागि सतर्क रहन सुचित गरिएको छ ।
एजेन्सी
_HEDsJqSbpy_tfetdx0zq5dowy06ovsztsuzllfife01thhzpdygk3kbzn4myswyphbaxfwk_wfzVdLOV7d_rkpmba850yq5zwor8s2uz0tjq3cy7jkt447byb8za0uqcebk5m3kanc7z9so.jpg.370x245_q70_crop.jpg)
Comments