पाथीभरामा केबुलकार निर्माणको विषयलाई लिएर दुई पक्षबीच ढुङ्गा हानाहान
ताप्लेजुङको पाथीभरा क्षेत्रमा केबुलकार निर्माणको विषयलाई लिएर दुई पक्षबीच ढुङ्गा हानाहान भएको छ । केबुलकार निर्माण हुनुपर्छ भन्ने पक्ष र विरोध गर्ने पक्षबीच ढुङ्गा हानाहान भएको हो ।
झडप हुँदा केबुलकार निर्माणविरुद्ध रहेका चन्द्र मादेनसहित पाँच जना घाइते भएका छन् । झडपमा घाइते हुनेको जिल्ला अस्पताल ताप्लेजुङमा उपचार भइरहेको प्रहरीले जनाएको छ । दुई पक्षबीच झडप हुँदा ढुङ्गा लागेर सुरक्षाकर्मीसमेत सामान्य घाइते भएका छन् ।
निर्माण क्षेत्रमा एक्स्काभेटर मेशिन लैजाने क्रममा झडप भएको हो । केही समयको झडपपछि प्रहरीले स्थिति नियन्त्रणमा लिएको जिल्ला प्रहरी कार्यालयका प्रहरी निरीक्षक विवेक बस्नेतले जानकारी दिए । केबुलकार निर्माण स्थलमा नेपाल प्रहरी र सशस्त्र प्रहरी परिचालित छन् ।
एजेन्सी
_HEDsJqSbpy_tfetdx0zq5dowy06ovsztsuzllfife01thhzpdygk3kbzn4myswyphbaxfwk_wfzVdLOV7d_rkpmba850yq5zwor8s2uz0tjq3cy7jkt447byb8za0uqcebk5m3kanc7z9so.jpg.370x245_q70_crop.jpg)
Comments