हिजबुल्लाहको गुप्तचर मुख्यालयलाई निशाना बनाएर इजरायली सेनाको आक्रमण

इजरायली सेना (आईडीएफ)ले सोमबार सिरियामा रहेको हिजबुल्लाहको गुप्तचर मुख्यालयलाई निशाना बनाएर आक्रमण गरेको छ ।

सामाजिक सञ्जाल एक्समा एउटा पोस्ट साझा गर्दै आईडीएफले भन्यो, ‘आईडीएफले सिरियामा हिजबुल्लाहको गुप्तचर मुख्यालयसँग सम्बन्धित आतंककारी लक्ष्यहरूमा हवाई आक्रमण गरेको थियो ।’

यसअघि, इजरायली सेना इरानी एजेन्टहरूसँग काम गरिरहेका आतंककारी कार्यकर्तालाई पक्राउ गर्न सिरियामा प्रवेश गरेको आईडीएफले आइतबार साँझ खुलासा गरेको थियो ।

एलिट एगोज कमान्डो युनिटका सैनिकहरूले दक्षिणी सहर सैदामा बस्ने सिरियाली नागरिक अली सुलेमान अल–आदीलाई पक्राउ गरेका छन् । आईडीएफका अनुसार अल–आदीले भविष्यको आतङ्कवादी गतिविधिका लागि सीमामा रहेर इजरायली सेनाका बारेमा खुफिया जानकारी सङ्कलन गरेका थिए ।

आईडीएफले अल–आदीको फुटेज पनि जारी गरेको छ । जसमा उनले सोधपुछकर्ताहरूसँग आफूलाई इरानले कसरी भर्ती गरेको थियो भन्दै प्रश्न गरेका छन् ।

हालैका दिनहरूमा अक्टोबर २६ मा इजरायली वायुसेनाले सैन्य आधार र हवाई रक्षा प्रणालीहरूमा आक्रमण गरेपछि इरानी अधिकारीहरूले आक्रमणका बारेमा आफ्नो बयानबाजी बढाएका छन् ।

एजेन्सी