भारतसँगको सीमा गस्तीसम्बन्धी सम्झौतामा बोल्यो चीन
भारत र चीनबीच सीमा निगरानीसम्बन्धी सम्झौता भएको प्रतिवेदनलाई चिनियाँ विदेश मन्त्रालयले पनि पुष्टि गरेको छ ।
चीनको परराष्ट्र मन्त्रालयका प्रवक्ता लिन जियानले यस विषयमा प्रगति भएको पुष्टि गर्दै चीन र भारतले सीमा विवादमा कूटनीतिक र सैन्य तहमा घनिष्ठ वार्ता जारी राखेको बताएका छन् ।
चिनियाँ विदेश मन्त्रालयका प्रवक्ताकाअनुसार दुवै पक्ष महत्वपूर्ण मुद्दाहरूमा समाधानमा पुगेको छ, जसलाई चीनले सकारात्मक रूपमा लिएको छ ।
चीनको आधिकारिक पत्रिका ग्लोबल टाइम्सकाअनुसार चिनियाँ विदेश मन्त्रालयका प्रवक्ताले यस समाधानलाई प्रभावकारी रूपमा कार्यान्वयन गर्न चीनले अर्को चरणमा भारतसँग मिलेर काम गर्ने बताएको छ ।
यसअघि सोमबार भारतीय विदेश मन्त्रालयले भारत र चीनबीच वास्तविक नियन्त्रण रेखा अर्थात एलएसीमा सेनाको गस्ती गर्ने विषयमा सहमति भएको बताएको थियो ।
एजेन्सी
_HEDsJqSbpy_tfetdx0zq5dowy06ovsztsuzllfife01thhzpdygk3kbzn4myswyphbaxfwk_jbybJkxOUq_xnlqw04re3n99emfm3f91hugcec9ct3nftw5iicss6ipvnqhy3hojdvauvz8.jpg.370x245_q70_crop.jpg)
Comments