बङ्गलादेशमा गठन हुने अन्तरिम सरकारले आज शपथ लिने तयारी

बंगलादेशको नव गठित अन्तरिम सरकारका सदस्यहरुले आज शपथ ग्रहणको तयारी गरेका छन् ।

नोबेल पुरस्कार विजेता मोहम्मद युनुस नेतृत्वको सल्लाहकार परिषद्का सदस्यलाई आज सपथको तयारी गराइएको हो । सपथ कार्यक्रम बेलुकी ८ बजेका तय गरिएको बङ्गलादेशका सेना प्रमुख जनरल वाकर जमानले जनाए ।

सल्लाहकार परिषद् १५ सदस्यीयको बनाइने छ । सेना प्रमुख वाकरले तीनदेखि चार दिनभित्र बङ्गलादेशको परिस्थिति सामान्य हुने आशा गरिएको छ ।

विद्यार्थीले थालेको आरक्षणविरुद्धको आन्दोलनले हिंसात्मक रुप लिँदा प्रधानमन्त्री शेख हसिनाले राजीनामा दिँदै देश छाडेपछि सेना प्रमुख वाकरले अन्तरिम सरकार गठन गर्न अग्रसरता लिए पनि आन्दोलनरत विद्यार्थीको मागअनुसार नोबेल पुरस्कार विजेता युनुसको नेतृत्वमा सरकार गठन हुन लागेको हो ।

यसैबीच, बंगलादेशकी पूर्वप्रधानमन्त्री शेख हसिनाले तत्काल बेलायतको शरण नपाउने देखिएको छ । हसिना केही समय भारतमै रोकिनुपर्ने भएको छ ।

एजेन्सी