भारतको केरलामा पहिरोः एक नेपालीसहित ४५ जनाको मृत्यु, चार सय बेपत्ता
भारतको केरला राज्यको वायनाड जिल्लामा मंगलबार गएको पहिरोमा परी एक नेपालीसहित ४५ जनाको मृत्यु भएको छ ।
मंगलबार बिहान करिब ३ बजे ४ ठाउँमा पहिरो खसेको थियो। यसबाट ४ वटा गाउँ डुबानमा परेका छन् । घर, पुल, सडक र सवारीसाधन पनि बगेका छन् । अहिलेसम्म ४५ जनाको मृत्यु भइसकेको छ ।
भारतीय सञ्चारमाध्यमका अनुसार ४०० भन्दा बढी व्यक्ति बेपत्ता छन् । ५० जनाको अस्पतालमा उपचार भइरहेको छ । पहिरोमा परेर मृत्यु भएकामध्ये एक नेपाली शिशु रहेको जनाइएको छ ।
पहिरोले स्थानीय मुन्दाकयी, चुरालमाला, अटामाला र नूलपूजा समेत चार गाउँलाई क्षति पुर्याएको छ ।
केरलका मुख्यमन्त्री पिनरायी विजयनले एयर फोर्सको हेलिकोप्टर प्रयोग गरेर पीडितलाई एयरलिफ्ट गरिएको जानकारी दिए । तर, वर्षाका कारण उद्धार कार्यमा कठिनाइ भइरहेको छ ।
केही दिनयता केरलाका धेरै ठाउँमा भारी वर्षा भइरहेको छ ।
एजेन्सी
Comments