स्कुल बस दुर्घटना अपडेट : आमाछोराको मृत्यु, अन्यको उपचार हुँदै
पोखरामा सोमबार बिहान भएको स्कुल बस दुर्घटनामा आमा छोराको मृत्यु भएको छ ।
कार्यालय सहयोगी ३३ वर्षिया आमा आरती बिक र पढ्न गएका ६ वर्षिय छोरा प्रिन्स विकको मृत्यु भएको हो ।
आरती सोही विद्यालयमा कार्यालय सहयोगीका रुपमा कार्यरत थिइन् ।
विद्यार्थी बोकेर एलपी देवकोटा विद्यालय जाँदै गरेको स्कुल बस थुन्कु भन्ने ठाउँमा दुर्घटनामा परेको थियो ।
दुर्घटनामा चालक, सहचालकसहित २४ जना घाइते भएका थिए । दुर्घटनामा घाइते भएका विद्यार्थीको विभिन्न अस्पतालमा उपचार भइरहेको छ ।
एजेन्सी
Comments