कांग्रेस र एमालेबीच कोशीमा बराबर मन्त्रालय लिने सहमति

नेपाली कांग्रेस र नेकपा एमालेबीच कोशी सरकारको बराबर मन्त्रालय लिने सहमति भएको छ । शनिबार काठमाडौंमा दुई दलका नेताहरुबीच भएको बैठकले आठ मन्त्रालयमध्ये ४–४ वटा बाँडफाँड गर्ने सहमति गरेको नेकपा एमाले प्रमुख सचेतक रेवतीरमण भण्डारीले जानकारी दिए ।

उनका अनुसार कोशी मन्त्रिपरिषदमा एमालेका मुख्यमन्त्रीसहित ५ र कांग्रेसका ४ जना रहनेछन् ।

मन्त्रालय भागवण्डा टुङ्गो लागेपछि सोमबार सरकार विस्तार गर्ने सहमति पनि भएको बताइएको छ । उनका अनुसार कांग्रेस  सोमबार सरकारमा सहभागी हुने तयारीमा रहेको  ।

बैठकमा कांग्रेसले सरकारको नेतृत्व पनि आलोपालो गर्नुपर्ने प्रस्ताव  गरेपनि  सहमति भने भएन । सो विषयमा केन्द्रीय नेतृत्वको निर्णय अनुसार अघि बढ्ने बताइएको छ ।

उनीहरुबीच संसदीय समितिको नेतृत्वमा पनि भागबण्डा भएको छ । प्रदेशमा रहेको  सात वटा विषयगत समितिमध्ये एउटा समिति प्रतिपक्षी दललाई छाडेर बाँकी ३–३ वटा बाँडफाँड गर्ने सहमति भएको प्रमुख सचेतक भण्डारीले बताए ।

एजेन्सी