दैनिक अदुवा सेवन गर्दा के हुन्छ ?

अदुवा हाम्रो भान्सामा नियमित रुपमा प्रयोग हुन्छ। दैनिक अदुवा खाँदा स्वास्थ्यमा धेरै फाइदा गर्दछ । अदुवा सेवनले शरीरमा यी निम्न फाइदा गर्दछ ।

एन्टी-इन्फ्लेमेटरी : अदुवामा पाइने इन्टी-इन्फ्लेमेटरी तत्वले शरीरमा हुने सुजनलाई छिटो कम गर्छ ।

वाकवाकी कम गर्छ : के तपाईलाई बिहान प्रायः वाकवाकी लाग्दछ ? यदि यस्तो समस्या छ भने हरेक दिन अदुवाको सेवनले तपाईंको यो समस्या समाधान हुन्छ । दैनिक अदुवा खाँदा वाकवाकी चाँडै हट्छ । विशेष गरी गर्भवती महिलाहरू र केमोथेरापी गराइरहेका मानिसहरूले यसबाट फाइदा लिन सक्छन्।

मांसपेशी दुखाइ कम : के तपाईलाई मांसपेशी दुखाइ वा हात खुट्टा दुखाइ छ ? अदुवा खाँदा यसले राम्रो प्रभाव पार्न सक्छ। दैनिक अदुवाको सेवन गर्नाले बिस्तारै दुखाई कम हुन्छ ।

कब्जियतमा फाइदाजनक : दैनिक रूपमा अदुवा खाँदा तपाईंको आन्द्राको चालमा धेरै राम्रो हुन्छ। जसले खाना पचाउन मद्दत गर्छ र कब्जियत हुन दिँदैन ।

महिनावारीको दुखाइ: महिनावारी भएको समयमा धेरै महिला पेट दुख्ने समस्याले आजित छन् । त्यसो भए दैनिक अदुवा खानाले तपाईंलाई मद्दत गर्न सक्छ। अदुवा सेवनले तीव्र पेट दुखाइलाई कम गर्न मद्दत गर्दछ।

कोलेस्ट्रोल घटाउँछ : एक महिनासम्म हरेक दिन अदुवा खाँदा शरीरमा ‘खराब’ कोलेस्ट्रोल कम हुन्छ। अदुवामा पाइने तत्वले रगतमा ट्राइग्लिसराइड्सको मात्रा कम गर्छ ।

प्रतिरक्षा प्रणाली बढाउँछ : अदुवामा पाइने एन्टी-इन्फ्लेमेटरी गुणले रोग प्रतिरोधात्मक क्षमतालाई बलियो बनाउँछ। के तपाई पहिले नै चिसो वा भाइरसबाट ग्रसित हुनुहुन्छ, त्यसो हो भने अदुवाले तपाईंलाई छिटो रिकभर गर्न मद्दत गर्न सक्छ।

एजेन्सी