चिनियाँ विकास बैंकले कृषिका लागि ऋण सहयोग दोब्बर बनायो

Laltin.com

चैत २३, २०८० शुक्रबार

चिनियाँ विकास बैंकले कृषिका लागि ऋण सहयोग दोब्बर बनायो

चीनको प्रमुख नीतिगत बैंकको रूपमा रहेको चाइना विकास बैंक (सीडीबी) ले यस वर्ष देशभर कृषि विकास र संरक्षणका साथै उत्पादकत्व सुधारका लागि आर्थिक सहयोग बढाएर दोब्बर बनाएको छ ।

बैंकले यस वर्षको पहिलो चौमासिकमा कृषि क्षेत्रको विकासका लागि ३६ करोड ५० लाख अमेरिकी डलर बराबरको विशेष ऋण जारी गरेको छ । यो ऋण एक वर्षअघिको यही अवधिमा जारी गरिएको ऋण रकमको दोब्बरभन्दा बढी हो ।

खाद्य सुरक्षा तथा कृषि उत्पादनको सहज आपूर्तिलाई सुनिश्चित गर्न बैंकले पछिल्ला वर्षहरूमा चीनका प्रमुख १३ वटा अन्न उत्पादन क्षेत्रहरूमा उच्च–मानकसहितको खेतीको विकास र उन्नयनका लागि मध्यम र दीर्घकालीन वित्तीय सहयोग प्रदान गरेको छ।

अर्काे चरणमा बैंकले ग्रामीण क्षेत्रमा पूर्वाधार र कृषि क्षेत्रमा विज्ञान–प्रविधि नवप्रवर्तनजस्ता प्रमुख क्षेत्रहरूमा समावेशी वित्तीय सहयोगलाई सुदृढ पार्ने योजना बनाएको छ । एजेन्सी