पोखरामा बस चाेरेको आरोपमा बालक पक्राउ
जिल्ला प्रहरी कार्यालय कास्कीले बस चोरी गरेको आरोपमा एक बालकलाई पक्राउ गरेको छ ।
पक्राउ पर्नेमा तनहुँको म्याग्दे गाउँपालिका वडा नं. ३ को १७ वर्षका बालक रहेका छन् ।
प्रहरीका अनुसार यहि मंसिर २२ गते राति पोखरा महानगरपालिका वडा नं. ९ पृथ्वीचोकस्थित पार्किङ गरी राखेको ग१ख ९६३८ नम्बरको बस चोरी भएको थियो ।
बस चोरी भएको सूचना पाएपछि जिल्ला प्रहरी कार्यालय, मातहत प्रहरी कार्यालय तथा अन्य प्रहरी कार्यालय समेतमा जानकारी गराई खोजतलास गर्दा जिल्ला चितवनमा फेला परेको हो ।
चितवन भरतपुर महानगरपालिका वडा नं. ११ आँपटारीमा प्रहरीले चेकजाँच गर्नेक्रममा बालकले चलाउँदै गरेको अवस्थामा बस फेला परेको थियो ।
पक्राउ परेका बालकविरुद्ध जिल्ला अदालत कास्कीबाट चोरी तथा डाँकासम्बन्धी मुद्दामा म्याद लिएर अनुसन्धान प्रक्रिया अघि बढाएको प्रहरीले जनाएको छ ।
_m700ivZOSK_j1s5qwdkrtvqayvyco4a3iahqddvmpwoko2kfpfzkrnhdluco3f664k5c0uy_gTIhu1ttmq_dxfyxwdehutys9o76nubiqlgxykjfvc7disbvywi3zslornltpetmr1bxesx.jfif.370x245_q70_crop.jpg)
_BfhlEkRKhf_msbqtezvrrwljwst05plgcnj4xnivs0vquvvj4ts8nbx1b0alf6s0n593cin_NIPfIIaGcy_tv1knfn2clamil3quadhykfnzohu3parwt6agapbasxiudm0n3a7hsdoyskg.jfif.370x245_q70_crop.jpg)
Comments