उत्तरकाशीको सुरुङमा १७ दिनदेखि फसेका ४१ मजदुरको सकुशल उद्धार

Laltin.com

मंसिर १३, २०८० बुधबार

भारतको उत्तराखन्डस्थित उत्तरकाशीमा एक निर्माणाधिन सुरुङमा फसेका ४१ जना मजदुरलाई सुरक्षित रुपमा बाहिर निकालिएको छ ।

सुरुङ निर्माणका क्रममा जमिन भासिएपछि उनीहरु १७ दिनदेखि थुनिएका थिए । बाहिर निकालिएका सबै मजदुरलाई स्वास्थ्य जाँचका लागि अस्पतालमा राखिएको छ ।

लामो समयदेखि चिन्तामा रहेका मजदुरका परिवारजनमा खुसी र उल्लासको वातावरण देखिएको भारतीय संचारमाध्यमले जनाएका छन् ।

सुरुङमा फसेका मजदुरको वचाउ अभियान १६ दिन पहिले सुरु भएको थियो । तर, उद्दारकर्मीलाई यो बीचमा ठूलो समस्या सामना गर्नु परेको थियो ।

उत्तराखण्ड सरकारले सबै मजदुरलाई १ लाखका दरले रकम दिने घोषणा गरेको छ ।