जाजरकोटमा चिसोले दुई भूकम्पपीडितको मृत्यु
चिसोका कारण जाजरकोटमा दुई जना वृद्धको मृत्यु भएको छ । भूकम्पले घरमा क्षति पुगेपछि त्रिपालमा बस्दै आएका भेरी नगरपालिका–२ का ८८ वर्षीय धुलेश्वर कार्की र बारेकोट गाउँपालिका–४ जिरीका नरेन्द्रबहादुर सिंहको मृत्यु भएको हो ।
कार्की र सिंह दुवै दमका दीर्घरोगी भएको र चिसोका कारण रोगले च्याप्दै गएपछि दुवैको मृत्यु भएको बारेकोट गाउँपालिकाका अध्यक्ष वीरबहादुर गिरीले जानकारी दिए । उनका अनुसार भूकम्पपछि घर बस्न नमिल्ने भएपछि जाजरकोटका ३४ हजारभन्दा बढी घरपरिवार त्रिपालमुनि बस्दै आएका छन् ।
त्रिपालमुनिको बसाइँले बालबालिका, सुत्केरी, दीर्घरोगी र वृद्धवृद्धा बढी प्रभावित भएका छन् । बालबालिका र वृद्धवृद्धामा श्वासप्रश्वाससम्बन्धी समस्या देखिन थालेको जाजरकोटका प्रमुख जिल्ला अधिकारी सुरेश सुनारले बताए । उनका अनुसार यसअघि गत साता नलगाड–४ मा चिसोका कारण दुई जना दीर्घरोगीको ज्यान गएको थियो ।
_AM9nHqptlW_tukiulivmkv0hfmpqqdustywewvyjicfrig6hbdgfxwbtn0by590tsha9epu_i4PVNfn1OY_du0zvh55ojza9pg1pgqhylxjpmqrmkgovicbveujrkrpp0l0fkuzcyuao9dl.jfif.370x245_q70_crop.jpg)
_m700ivZOSK_j1s5qwdkrtvqayvyco4a3iahqddvmpwoko2kfpfzkrnhdluco3f664k5c0uy_tQOom55PAF_f9b9fkd5zcizezrfe1bxg3eb2nshvetubk1vxdywlsl21pvmnhuoqifqro7w.jfif.370x245_q70_crop.jpg)
_BfhlEkRKhf_msbqtezvrrwljwst05plgcnj4xnivs0vquvvj4ts8nbx1b0alf6s0n593cin_dOn3ndiMY5_wm9gk3rugkxvgdtplnkimxbxqftbxl8x8tgbpvqdv4v1j18ttk9aorctrijw.jfif.370x245_q70_crop.jpg)
Comments