सन् २०२६ बाट भारतमा एयर ट्याक्सी सेवा सुरु हुने अपेक्षा
सन् २०२६ सम्ममा भारतमा एयर ट्याक्सी सुरु हुने अपेक्षा गरिएको छ। इन्टरग्लोब इन्टरप्राइजेज नामको कम्पनीले अमेरिकास्थित आर्चर एभिएसनसँगको सहकार्यमा देशभर सबै विद्युतीय हवाई ट्याक्सी सेवा सुरु गर्ने भएको छ।
पीटीआई रिपोर्टकाअनुसार यो सेवाको उद्देश्य यात्रुहरूलाई कम समयमा एक ठाउँबाट अर्को ठाउँमा पुर्याउनु हो। सेवा सुरु भएपछि दिल्लीको कनोट प्लेसबाट हरियाणाको गुरुग्रामसम्म पुग्न ७ मिनेट मात्र लाग्नेछ। सामान्यतया सडकबाट यो यात्रा २७ किलोमिटरको हुन्छ, जुन एकदेखि डेढ घण्टामा पूरा हुन्छ।
दुवै कम्पनीले भारतमा अल इलेक्ट्रिक हवाई ट्याक्सी सेवा सञ्चालन गर्न एमओयूमा हस्ताक्षर गरेका छन् । तर, सेवा सुरु गर्न नियामकको स्वीकृति भने आउन बाँकी छ। यदि यो स्वीकृति दिइयो भने, दिल्लीका जनताले यातायातको अर्को माध्यम पाउन सक्नेछन्। यसले सडकमा जाम कम हुनुका साथै प्रदुषण विरुद्ध लड्न मद्दत गर्नेछ।
_NJTue0LPY5_2sssmvjfhkxdis3jscuclwq1kz5h2d3sutsusiukbwxepxtkz5ri9bwirdzi_wDanqevgUI_rbv41jclbmvwfomyliluuxrwywmsg8vvvcjarng1er5ijfensqt92jqlh63o.jfif.370x245_q70_crop.jpg)
Comments