प्यालेस्टाइनको समर्थनमा न्युयोर्क र लिबियामा प्रदर्शन

इजरायल र हमासबीच बढ्दो द्वन्द्वलाई ध्यानमा राख्दै प्यालेस्टाइनीलाई समर्थन गर्न न्युयोर्क टाइम्स स्क्वायरमा हजारौँ उपस्थित भएका छन् ।

उनीहरूले प्यालेस्टाइनको समर्थन गर्दै शान्तिपूर्ण प्रदर्शन गरेका हुन् । जुलुसमा उनीहरूले प्यालेस्टानइनको रातो, कालो र हरियो झण्डा बोकेर विभिन्न नाराबाजी गरेका थिए । कतिपयले ‘फ्रि प्यालेस्टाइन’, ‘प्यालेस्टाइनलाई साथ दिनुहोस्’, ‘व्यवसाय आतंकवाद हो ?’ जस्ता प्लेकार्ड बोकेका थिए ।

प्रदर्शनकारीहरूले गाजामा युद्ध बन्द गर्न, निर्दोष नागरिकको हत्या रोक्न र इजरायली रंगभेदलाई दिइने सबै सहायता बन्द गर्न माग गरेका थिए ।

यसैगरी, गाजा पट्टीमा इजरायली हवाई हमलाको निन्दा गर्दै प्यालेस्टाइनको समर्थमा लिबियामा प्रदर्शन गरेका छन् । शनिबार राजधानी त्रिपोलीको शहदी स्क्वायरमा उनीहरूले विशाल प्रदर्शन गरेका थिए । उनीहरूले लिबिया र प्यालेस्टाइनको झण्डा बोक्नुका साथै इजरायली आक्रमणको निन्दा गरेको ब्यानर बोकेका थिए ।

उनीहरूले पनि युद्धले समस्या समाधान नगर्ने भन्दै वार्ताका लागि पहल गर्नसमेत आग्रह गरेका थिए ।