जीवन बदल्ने भगवान श्रीकृष्णका अनमोल वचनहरु

भगवान श्रीकृष्णको नाम जप्दा पनि विविध दुःख नष्ट हुने विश्वस गरिन्छ । उनका अनमोल वचनले तपाईको जीवनमा थप उर्जा आउनसक्छ ।

१. आफ्नो काम पहिला गर

अरु कोहि व्यक्तिको कामलाई पुर्णता दिनुभन्दा आफ्नो कामलाई पूर्ण गर्नु उत्तम रहन्छ । चिन्तनको माध्यमबाट आफ्नो कामलाई पहिलो प्राथमिकताका साथ गर्नुपर्दछ । अरुको काम पूर्णताका साथ गर्नुभन्दा आफ्नो काम अपूर्णताको साथ गरे पनि त्यो लाखौं गुणा उत्तम रहन्छ ।

२. कर्ममा खुशी

जो व्यक्ति आफ्नो कर्ममा आनन्द खोज्दछ तबमात्र उसले पूर्णता पाउँछ । र पूर्णता पाएको व्यक्ति मात्र खुशी रहन सक्दछ । तसर्थ आफ्नो काममा लिन रही जसले आनन्द खोज्दछ उसले त्यहिँ मात्र खुशी प्राप्त गर्दछ ।

३. तनाव कम गर

समय परीवर्तनशिल छ । लगातार असफलता वा एकै प्रकारको कामबाट व्यक्ति दिक्क हुने गर्दछ । दैनिक जिवनमा आफ्नो काममा मानिसको ध्यान भट्किन सक्छ र उ तनावमा आउने गर्दछ । त्यो बेला आफ्नो कामलाई भन्दा तनावलाई परीवर्तन गर्न आवश्यक रहन्छ । तनाव भगाउन मात्र तिमि आफ्नो कामलाई प्रेम गर त्यस अलावा अरुको कुराको परवाह नगर ।

४. अनुशासनमा वस

ब्यक्तिको मनमा जम्मा सन्देहहरु आत्मज्ञानको माध्यमबाट मात्र काट्न सकिन्छ । त्यसैले आफ्नो हृदयमा रहेका अज्ञानका सन्देहहरु आत्मज्ञानको तरवारले काट्नु पर्दछ । र अनुशासनमा रहेर जाग्ने वा माथि उठ्ने प्रयास गर्नुपर्दछ ।

५. हरेक कर्मको फल पाइन्छ

हरेक कर्मको फल पाउने निश्चित छ । फल प्राप्तिको समय केही ढिलो हुन सक्ला, तर फल प्राप्ति निश्चित छ । हरेक जीवनमा न केही गुम्छ न त केहि व्यर्थ जान्छ । तसर्थ व्यक्तिले बिना फल प्राप्तिको चिन्ता लिई आफ्नो काम ईमान्दारीका साथ गर्नुपर्दछ ।

६. अभ्यास आवश्यक छ

बन्द कोठामा बसेर सफलताका लागी लगाइएको वुद्धि ब्यर्थ छ । मन चञ्चल, अशान्त र ब्याकुल हुन्छ । असफलता देख्नासाथ मन त्यस कर्म गर्न प्रेरीत रहँदैन। तर त्यहि मन नियन्त्रित गरी लगातार अभ्यास गरेमा असफलता सफलतामा परीणत हुन्छ ।

७. दृढ विश्वास सफलताको कारक

व्यक्ति जे चाहान्छ, त्यहि बन्न सक्छ । तसर्थ लगन, निष्ठा र इमान्दारीताका साथ इच्छित वस्तुमा ध्यान लगाई एकाग्रका साथ कर्म गरेमा त्यो प्राप्ति निश्चित छ। मात्र कर्मको बेला दृढ विश्वास हुन जरुरी छ जो इच्छित वस्तुमा लगातार रहिरहोस् ।

८. मनमा नियन्त्रण

यदि कोही व्यक्ति आफ्नो मनलाई नियन्त्रित राख्न सक्दैन उसले हमेशा आफैँमाथि हानी पुर्याउने कामगर्दछ । व्यक्तिको मन नै ईश्वर प्राप्तिको मार्ग भएकाले यसलाई नियन्त्रण गर्न आवश्यक छ । यदि कोही व्यक्ति मनलाई नियन्त्रण गर्दैन भने उसले शत्रु समान कार्य गर्दछ ।

९. रीसमा नियन्त्रण

क्रोधबाट भ्रम पैदा हुन्छ । भ्रमले बुद्धि व्यग्र बनाउँछ। जब बुद्धि व्यग्र हुन्छ तब तर्क नष्ट हुन्छन् । र जब तर्क नष्ट हुन्छ तब व्यक्तिको पतन हुने गर्दछ । यदि त्यहि क्रोधलाई सकारात्मक शक्तिमा बदल्न सके त्यसको प्रयोग उपयोगि हुन्छ । जसलाई सफलता निश्चित छ ।