भूमध्यसागरमा सङ्कटपूर्ण अवस्थामा रहेका २३ देशका झण्डै साढे चार सय जना आप्रवासीको फ्रान्सद्वारा उद्धार

Laltin.com

भदौ ११, २०८० सोमबार

भूमध्यसागरमा सङ्कटपूर्ण अवस्थामा रहेका २३ देशका झण्डै साढे चार सय जना आप्रवासीको फ्रान्सद्वारा उद्धार

फ्रान्सको एक गैरसरकारी संस्थाले भूमध्यसागरमा सङ्कटपूर्ण अवस्थामा रहेका चार सय ३८ जना आप्रवासीको उद्धार गरेको छ ।

उद्धार संस्थाले जहाज ओशन वाइकिङमार्फत् बितेका दुई दिनमा २३ वटा देशका आप्रवासीलाई उद्धार गरेको एएफपीले जनाएको छ । उनीहरुलाई लिबिया र ट्युनिसियाको अन्तर्राष्ट्रिय जलक्षेत्रबाट उद्धार गरेको उद्धार गर्ने संस्था एसओएस मेडिटरेनीले जनाएको छ । उद्धार गरिएको जलक्षेत्र आप्रवासीहरूका लागि विश्वको सबैभन्दा खतरनाक सामुद्रिक मार्ग हो ।

यो मार्ग हुँदै आप्रवासीहरु युरोपका देश जाने गरेका छन् । संयुक्त राष्ट्रसङ्घीय आप्रवासन निकाय इन्टरनेशनल अर्गनाइजेसन फर माइग्रेसनका अनुसार यस वर्ष मध्य भूमध्यसागर पार गर्ने प्रयासमा कम्तीमा दुई हजार १३ जनाको ज्यान गएको छ । त्यस मागमा अघिल्लो वर्ष एक हजार चार सय १७ जना आप्रवासीले ज्यान गुमाएका थिए ।