भारतले रच्यो इतिहास, चन्द्रयान–३ चन्द्रमामा अवतरण

छिमेकी राष्ट्र भारतले इतिहास रचेको छ । चन्द्रयान–३ को विक्रम ल्यान्डर चन्द्रमाको दक्षिणी ध्रुवमा सफलतापूर्वक अवतरण भएको छ । नेपाली समयानुसार ६ बजेर १७ मिनेट जाँदा ल्यान्डर अवतरण भएको हो ।

भारत चन्द्रमाको यस भागमा यान अवतरण गर्ने पहिलो देश बनेको छ । जबकि यो चन्द्रमाको कुनै पनि भागमा यान अवतरण गर्ने चौथो देश बनेको छ । यसअघि अमेरिका, सोभियत संघ र चीनले मात्रै यस्तो सफलता हासिल गरेका थिए । अब सबैजना विक्रम ल्यान्डरबाट प्रज्ञान रोभर निस्कने प्रतिक्षामा छन् । विक्रम र प्रज्ञानले एकअर्काको फोटो खिचेर पृथ्वीमा पठाउनेछन् ।

त्यसपछि यो कीर्तिमान रसियाको नाममा बन्ने थियो, भारतभन्दा पहिले रुसले चन्द्रमाको दक्षिणी ध्रुवमा लुना–२५ यान अवतरण गर्न लागेको थियो । यो अवतरण अगस्ट २१ मा हुने थियो तर अन्तिम कक्ष परिवर्तन गर्दा बाटोबाट विचलित भएर चन्द्रमाको सतहमा ठोक्कियो ।

चन्द्रयान–३ जुलाई १४ मा आन्ध्र प्रदेशको श्रीहरिकोटाबाट दिउँसो ३ः३५ बजे प्रक्षेपण गरिएको थियो । चन्द्रमाको सतहमा अवतरण गर्न ४१ दिन लागेको थियो । पृथ्वीबाट चन्द्रमाको कुल दूरी ३ लाख ८४ हजार किलोमिटर छ ।