एसिया कप क्रिकेटमा सहभागी हुने नेपाली खेलाडीलाई राष्ट्रपतिले दिए शुभकामना

Laltin.com

भदौ ५, २०८० मंगलबार

एसिया कप क्रिकेटमा सहभागी हुने नेपाली खेलाडीलाई राष्ट्रपतिले दिए शुभकामना

राष्ट्रपति रामचन्द्र पौडेलले एसिया कप क्रिकेटमा सहभागी हुने नेपाली क्रिकेट टिमका सदस्यलाई शुभकामना दिएका छन् ।

राष्ट्रपति भवन शीतलनिवासमा आज खेलाडीहरुसँग भेट गर्दै राष्ट्रपति पौडलले टिम, प्रशिक्षकसहित सबैलाई सफलताको शुभकामना दिएका हुन् । भदौ १३ गतेदेखि पाकिस्तानमा सुरु हुने एसिया कप क्रिकेट प्रतियोगिता खेल्न जाने टिमले नेपाल र नेपालीलाई अन्तर्राष्ट्रिय जगतमा चिनाउन र राष्ट्रको प्रतिष्ठा एवं गरिमा बढाउन योगदान दिने उनले विश्वास व्यक्त गरे ।

“नेपालमा बढ्दो क्रिकेटप्रतिको आकषर्ण र यस खेलमा पछिल्लो समय हासिल गरेको प्रगतिले हामी सबैलाई उत्साहित बनाएको छ । यसलाई अझ परिणाममुखी बनाउन सरकारले खेलजगतका लागि स्वदेशमा उपयुक्त अवसर र पूर्वाधार निर्माण गरी प्रशिक्षण तथा प्रतियोगितालाई तीव्रता दिनुपर्दछ भन्ने मलाई लाग्दछ,” राष्ट्रपतिले शुभकामना दिँदै भने ।