केशव स्थापितले छाडे एमाले केन्द्रीय कमिटी

Laltin.com

साउन ३०, २०८० मंगलबार

केशव स्थापितले छाडे एमाले केन्द्रीय कमिटी

नेकपा एमालेका केन्द्रीय सदस्य केशव स्थापितले पार्टी छाडेका छन् ।

आफूलाई अब आराम चाहिएको भन्दै स्थापितले पार्टीबाट बिदा मागेको एमाले स्रोतले जनाएको छ । स्थापितले आफू पार्टीबाट बिदा हुन चाहेको भन्दै निवेदन दिएका थिए ।

सोमबार बसेको सचिवालय बैठकले उनलाई बिदा दिने निर्णय गरेको एक पदाधिकारीले जानकारी दिएका छन् ।

२०७९ वैशाखको स्थानीय तहको निर्वाचनमा काठमाडौं महानगरपालिकाको मेयरको उम्मेदवार बनेर उनि पराजित भएका थिए । त्यसअघि उनि काठमाडौं ६ बाटै प्रदेश सभा सदस्य निर्वाचित भएका उनी बागमती प्रदेशको भौतिक पूर्वाधार विकासमन्त्री बनेका थिए।

२०५४ सालमा एमालेबाट काठमाडौं महानगरपालिकाको मेयर निर्वाचित भएका उनले केही उदाहरणीय कामसमेत गरेका थिए ।

एमाले विभाजन भएर बनेको अशोक राई नेतृत्वको संघीय समाजवादी पार्टीमा क्रियाशील भएका थिए। पछि भने स्थापित एमालेमै फर्केर सक्रिय राजनीतिमा लागेका हुन्।