श्रीलङ्काको मुद्रास्फीति १०.८ प्रतिशत कायम
श्रीलङ्काको मुद्रास्फीति जूनमा घटेर १०.८ प्रतिशत कायम भएको छ । श्रीलङ्काको राष्ट्रिय उपभोक्ता मूल्य सूचकाङ्क (एनसीपीआई) मा आधारित मुद्रास्फीति मे महिनामा २२.१ प्रतिशत रहेको थियो ।
जून महिनामा यसमा थप कमी आई १०.८ प्रतिशतमा झरेको जनगणना तथा तथ्याङ्क विभागले शुक्रबार जनाएको छ । विभागका अनुसार खाद्य क्षेत्रको मुद्रास्फीति मे महिनामा १५.८ प्रतिशत रहेकोमा गत महिना घटेर २.५ प्रतिशतमा झरेको छ ।
गैर–खाद्य समूहको मुद्रास्फीति जुनमा २७.६ प्रतिशतबाट घटेर १८.३ प्रतिशतमा झरेको छ । गत बर्ष एनसीपीआईले ७३.७ प्रतिशतको मुद्रास्फीति रेकर्ड गरेको श्रीलङ्काको मुद्रास्फीति सेप्टेम्बर २०२२ देखि निरन्तर घटिरहेको छ ।
श्रीलङ्काको केन्द्रीय बैंकले सन् २०२३ सम्म पनि मुद्रास्फीतिमा गिरावट आउने अनुमान गरेको छ र सेप्टेम्बरसम्ममा विद्यमान उच्च मुद्रास्फीतिलाई एकल अङ्कमा झार्ने बताएको छ ।
_NJTue0LPY5_2sssmvjfhkxdis3jscuclwq1kz5h2d3sutsusiukbwxepxtkz5ri9bwirdzi_yfwRkV58zQ_voblfe4p7xnubbcwx95vym8gs6z1zpnwpkhdpsem3pl9ge7wvhbhpjitkjjn.jfif.370x245_q70_crop.jpg)
Comments