इजरायल–प्यालेष्टाइन द्वन्द्व, पैँतीस जना घाइते
वेस्ट बैंकमा इजरायली सेनासँगको झडपमा एक जना प्यालेस्टाइनीको मृत्यु भएको छ भने अन्य ३५ जना घाइते भएका छन् । उत्तरी वेस्ट बैंकको नाब्लसमा बुधबार मध्यरातमा इजरायली सेनासँगको झडपमा एक प्यालेस्टाइनीको मृत्यु हुनका साथै कम्तीमा ३५ जना घाइते भएका प्यालेस्टिनी चिकित्सकहरूले बिहीबार बताएका छन् ।
प्यालेस्टिनी रेड क्रिसेन्ट सोसाइटीले जारी गरेको विज्ञप्तिमा इजरायली सैनिकले प्रहार गरेको गोली छातीमा लागेपछि १९ वर्षीय बद्दर अल–मसरीको अस्पतालमा मृत्यु भएको जनाइएको छ । घाइते ३५ जना प्यालेस्टिनीमध्ये दुई जनाको अवस्था गम्भीर छ ।
गत जनवरी यता उक्त क्षेत्रमा इजरायली र प्यालेस्टिनीबीच भएका शृङ्खलाबद्ध झडपमा २४ जना इजरायली र एक सय ७५ जना प्यालेस्टिनीले ज्यान गुमाएका छन् । प्यालेष्टिनी पक्षबाट ज्यान गुमाउनेमा अधिकांश बालबालिका र महिला छन् ।
_icNh4KFifr_dx5oecogtyoc8yfoknlgxhyrmsuvp48p2rxvz9wyra3fvgwufi1jqrploz3a_CqL7rxyaZk_i1oizgazcpocgzl33ixocpropzumqsulawhah6alloiwqcengmrxpqmmnwzr.jfif.370x245_q70_crop.jpg)
Comments