दुई लघुवित्तको शेयर कारोबार रोक्का गर्दै नेप्सेले माग्यो स्पष्टिकरण
नेपाल स्टक एक्सचेञ्जले महिला लघुवित्त वित्तीय संस्था र महुली लघुवित्तको शेयर कारोबार रोक्का गरिदिएको छ । यी दुवै लघुवित्तले गत आर्थिक वर्ष २०७८/७९ को लाभांश सम्बन्धी पत्र नेप्सेमा कारोबार समयमा पठाएको हुँदा नेप्सेले धितोपत्र सूचीकरण विनियमावली बमोजिम दुवै संस्थाको शेयर कारोबार रोक्का गरेको जनाएको छ । नेप्सेले दुवै संस्थालाई ३ दिनभित्र स्पष्टिकरण पेश गर्न आग्रह गरेको छ ।
महिला लघुवित्तले गत आवको मुनाफाबाट आफ्ना शेयरधनीहरुलाई ४७ दशमलव ५ प्रतिशत बोनश शेयर र कर प्रयोजनका लागि २ दशमलव ५ प्रतिशत नगद लाभांश गरी कुल ५० प्रतिशत लाभांश प्रस्ताव गरेको छ । त्यस्तै, महुली लघुवित्तले गत वर्षको मुनाफाबाट २० प्रतिशत बोनश शेयर र ५ प्रतिशत नगद लाभांश गरी कुल २५ प्रतिशत लाभांश प्रस्ताव गरेको छ ।
_AM9nHqptlW_tukiulivmkv0hfmpqqdustywewvyjicfrig6hbdgfxwbtn0by590tsha9epu_i4PVNfn1OY_du0zvh55ojza9pg1pgqhylxjpmqrmkgovicbveujrkrpp0l0fkuzcyuao9dl.jfif.370x245_q70_crop.jpg)
Comments