अपर हेवाखोलाको साधारण सभा पुस २१ गते, के के छन् एजेण्डा ?
अपर हेवाखोला हाइड्रोपावर कम्पनी लिमिटेडले वार्षिक साधारणसभा डाकेको छ। कम्पनी सञ्चालक समितिको आइतबार (मंसिर २५ गते) बसेको बैठकले आउँदो पुस २१ गते वार्षिक साधारणसभा आयोजना गर्ने निर्णय गरेको हो। सभा काठमाण्डौको अनामनगरस्थित युनियन हाउसमा बिहान ११ बजेबाट सुरु हुनेछ।
सभाले संस्थापक सेयरधनी समूहबाट ४ जना र सर्वसाधारण सेयरधनी समूहबाट २ जना गरी ६ जना सञ्चालकको निर्वाचन गर्नेछ। सभाले सञ्चालक समितिबाट गरिएको स्वतन्त्र सञ्चालकको नियुक्ति अनुमोदन गर्नेछ। सभाले वार्षिक, आर्थिकलगायतका प्रतिवेदन पनि पारित गर्नेछ।
सभा प्रयोजनका लागि कम्पनीले आउँदो पुस ४ गतेदेखि पुस २१ गतेसम्म बुक क्लोज गर्ने निर्णय गरेको छ। यसको अर्थ पुस ३ गतेसम्म कायम सेयरधनीहरुमात्रै यो कम्पनीको वार्षिक साधारणसभामा भाग लिन योग्य हुनेछन्।
_AM9nHqptlW_tukiulivmkv0hfmpqqdustywewvyjicfrig6hbdgfxwbtn0by590tsha9epu_fJ0TjuJRPv_dnd0z7jzqscjzgfbint1sxfqtmjqyrqjat41prbq7kfyfoqcseia4pw5e5ma.jfif.370x245_q70_crop.jpg)
Comments