ऊर्जाको बिल बढेपछि बेलायती मुद्रास्फीति पुग्यो ४० वर्षको नयाँ उचाइमा

बेलायतको आधिकारिक तथ्याङ्क अनुसार अक्टोबरमा ग्यास र बिजुलीको दर्दनाक बिल वृद्धिले बेलायतको मुद्रास्फीतिलाई ४० वर्षको उच्चस्तरमा पुर्याउने अपेक्षा गरिएको छ।  विज्ञहरू यो मूल्यवृद्धिले गर्दा जनजीवन कष्टकर हुने अनुमान गर्छन्। 

इन्भेटेक अर्थशास्त्रका अनुसार रूस-युक्रेनको युद्धको कारण थोक सामग्रीहरुको मूल्य उच्च भयो र परिणामस्वरूप  मुद्रास्फीति तीव्र रुपमा वृद्धि भयो। बेलायती सरकारले कुनै पनि घरपरिवारले ३४ पाउन्ड  प्रति युनिट बिजुली र तिनीहरूले प्रयोग गरेको ग्यासको प्रत्येक एकाइको लागि  १०.३ पाउन्ड भन्दा बढी तिर्नु नपर्ने प्रतिज्ञा गरेको थियो। 

इन्भेटेकका अनुसार विदेशबाट वस्तु र सेवाहरू आयात गर्न कम महँगो बनाउने विनाशकारी मिनी-बजेट पछि देखिएको पाउन्डको हालैको वृद्धिले मुद्रास्फीतिको दबाबलाई सीमित गर्न मद्दत गर्नेछ। मुद्रास्फीति वृद्धिले बैंक अफ इङ्गल्याण्डबाट अर्को ब्याज दर वृद्धिको अपेक्षालाई बलियो बनाउने सम्भावना पनि देखिएको छ।