इंग्ल्याण्डमा ब्याजदर ३० वर्ष यताकै उच्चस्तरमा वृद्धि!
बैंक अफ इंग्ल्याण्डले ब्याजको आधार दर ३० वर्ष यताकै उच्चस्तरमा वृद्धि गरेको छ । हालसालै केन्द्रिय बैंकले आधार दर ०.७५ प्रतिशतले बढाएर तीन प्रतिशत पुर्याएको छ ।
बैंक अफ इंग्ल्याण्डका अनुसार बेलायत पहिलेदेखि नै आर्थिक मन्दीमा रहेको र अब पनि लामो समयसम्म रहने संभावना रहेको छ । उक्त बैंकले आगामी वर्षमा उच्च मुद्रास्फिती र बेरोजगारीदरका साथै धेरै समयसम्म अर्थतन्त्र संकुचित हुने प्रक्षेपण पनि गरेको छ ।
बेलायतको इतिहासमा पहिलो पटक निरन्तर आठ त्रैमासमा जीडीपीमा गिरावट देखिएको छ । यद्यपी यसको असर २००८ देखि २००९ सम्म र १९८० को दशकमा देखिएको मन्दी भन्दा कम रहेको बैंक अफ इंग्ल्याण्डले बताएको छ ।
_NJTue0LPY5_2sssmvjfhkxdis3jscuclwq1kz5h2d3sutsusiukbwxepxtkz5ri9bwirdzi_iZGxDoIyix_otmfgoxjr2uiivsjbrq8t4zx4pyiax28ccgz4duny5r1ray8ydcw0kv0kf44.jfif.370x245_q70_crop.jpg)
Comments