खस्दो बजारमा अबको रणनीति कस्तो लिने ?

ग्राफ,प्याटर्न र संकेतहरुको प्रयोग मार्फत सेयर बजारको मनोविज्ञान बुझ्ने कार्य प्राविधिक विश्लेषण हो l प्राविधिक विश्लेषणले बजारको आगामी दिशा अनुमान लगाउन सकिन्छ l

आजको प्राविधिक विश्लेषण यस प्रकार छ:

क्यान्डलस्टिक प्याटर्न :

खस्दो बजारमा नेप्सेले  वियरिस   माराबोजु क्यान्डल   बनाउँदै  १९२४ .४८ बिन्दुमा बन्द भएको छ , जसले बजार पूर्ण रुपमा कारोबार अवधिभर  बिक्रिकर्ताको नियन्त्रणमा रहेको जानकारी गराउँदछ l

सपोर्ट र रेसिस्टेन्स

घट्दो बजारको पहिलो सपोर्ट १९००-१९१५  बिन्दु आसपासमा रहेको देख्न सकिन्छ  l त्यसैगरी , यो बिन्दु आसपास केही दिन बजार अडिएर पुन: खस्दछ भने चाहिँ दोस्रो सपोर्ट १८०० आसपास रहेको आँकलन गर्न सकिन्छ l अर्कोतर्फ, बजार निरन्तर बढेमा २०९० आसपासमा पहिलो रेसिस्टेन्स लिन सक्ने अनुमान लगाउन सकिन्छ l 

बोलिंजर ब्याण्ड :

बोलिंजर ब्याण्डबाट नेप्सेलाई हेर्दाखेरी मिडल ब्याण्ड नजिक रेसिस्टेन्स लिन सक्ने सम्भावना बढेर गएको देख्न सकिन्छ l यदि  बजारले मिडल ब्यान्डलाई रेसिस्टेन्स  लिएर खस्दछ भने चाहिँ नयाँ बटम नबनाई फर्केमा कम जोखिम  भारमा  बढी नाफा आर्जन गर्न सकिन्छ l 

आर.एस.आई

आर.एस.आई  २६  बिन्दु आसपास आएर तीव्र गतिमा  माथि गएको छ, जुन आफैमा सकारात्मक कुरा भएता पनि कुनै बिन्दुमा रेसिस्टेन्स लिएर फर्कन सक्ने अनुमान गर्न सकिन्थ्यो   l तर कुनै बिन्दुमा रेसिस्टेन्स लिएर खसेको आर.एस.आईले पहिलेको बटमलाई ब्रेक गर्न सकेन  भने चाहिँ फेरी गतिलो खरिद अवसर हात पार्न सकिने छ l 

एम.ए .सी.डी 

यो इन्डिकेटरबाट बजार विश्लेषण गर्दा हिस्टोग्राम निरन्तर  घट्न थालेको  देख्न सकिन्छ, जुन आफैमा नकारात्मक कुरा हो  l दुबै एम.ए.सिडी र सिग्नल लाईन आपसमा किस गरेको देख्न सकिन्थियो  l  त्यसैगरी , सुरक्षित खरिदको निम्ति बुलिस क्रस ओभर हुन आवश्यक छ जुन कुरालाई बजारले आज अपुरो छोडेको छ l 

डी.एम .आई

डी. एम. आई इन्डिकेटरबाट बजारलाई हेर्दाखेरी आपसमा दुवै लाईन जोडिन खोजेको देख्न सकिन्थ्यो  l  त्यसैगरी, ए.डी. एक्स लाईन पनि केही घटेको  हुँदा बिक्री चाप हराउँदै गएको स्पष्ट अनुमान लगाउन सकिन्छ l तथापि, पुन: खरिद निर्णयको लागि दुवै लाईनले बुलिस क्रस ओभर गर्न आवश्यक छ l 

निस्कर्ष :

इलेट वेभ सिद्धान्त अनुसार बजार विश्लेषण गर्दा  बजारले पहिलो  वेभ सकाएर दोस्रो वेभमा केही खस्न सक्ने आँकलन गर्न सकिन्छ , जसलाई पुल ब्याक पनि भनिन्छ l यदि बजारमा सानो पुल ब्याक आएर पुन: बढन थाल्दछ छ भने २०९० विन्दु आसपास सम्म बजार बढ्न सक्ने अनुमान लगाउन सकिन्छ l तसर्थ, भोलिको बजार निर्णायक हुने देखिन्छ l अन्यथा, बजारले नयाँ बटम बनाएमा खरिदको निम्ति त्यति उपयुक्त देखिँदैन l 

पुनश्च : सेयर बजार जोखिमको क्षेत्र हो l माथि प्रस्तुत गरिएको प्राविधिक रिपोर्ट आर्थिक सचेतनाको लागी मात्र भएकाले आफ्नो लगानीलाई जोखिमभार व्यहोर्न  सक्नेगरी व्यवस्थापन गर्नुहोला l धन्यवाद !