बलियो सपोर्ट १९०० आसपासको रेन्जबाट फर्किएला त बजार ?

ग्राफ,प्याटर्न र संकेतहरुको प्रयोग मार्फत सेयर बजारको मनोविज्ञान बुझ्ने कार्य प्राविधिक विश्लेषण हो l प्राविधिक विश्लेषणले बजारको आगामी दिशा अनुमान लगाउन सकिन्छ l

आजको प्राविधिक विश्लेषण यस प्रकार छ:

क्यान्डलस्टिक प्याटर्न :

सपोर्ट र रेसिस्टेन्स 

खस्दो बजारमा नेप्सेले  वियरिस स्पिनिंग टप क्यान्डल  बनाउँदै १९१२ .६९ बिन्दुमा बन्द भएको छ , जसले बजार पूर्ण रुपमा कारोबार अवधिभर बिक्रीकर्ताको नियन्त्रणमा रहेको जानकारी गराउँदछ l अर्कोतर्फ, अन्तिम वेभको तेस्रो वेभ चलेको हुँदा भारी गिरावट आएको देख्न सकिन्छ l 

घट्दो बजारको पहिलो सपोर्ट १९००  बिन्दु आसपासमा रहेको देख्न सकिन्छ  l अर्कोतर्फ, यो बिन्दु आसपास केही दिन बजार अडिएर पुन: खस्दछ भने चाहिँ दोस्रो सपोर्ट १८०० आसपास रहेको आँकलन गर्न सकिन्छ l 

बोलिंजर ब्याण्ड :

 लोवर ब्याण्ड  र अपर ब्याण्डको दुरी बढेसँगै बजारमा भोलाटालिटि बढेको देख्न सकिन्छ , जसको अर्थ बजारमा जोखिम बढ्दै गएको अनुमान लगाउन सकिन्छ l बजार बढेर  मिडल ब्याण्डलाई रेसिस्टेन्स लिएर पुन: खसेको बजारले नयाँ बटमलाई ब्रेक गर्न नसकेमा सुरक्षित लगानी रणनीति तय गर्न सकिन्छ l 

आर.एस.आई

आर.एस.आई  २६  बिन्दु आसपास आएको छ l खस्दो बजारमा यसले २३ बिन्दु आसपासमा बलियो सपोर्ट लिन सक्ने अनुमान लगाउन सकिन्छ l 

एम.ए .सी.डी 

यो इन्डिकेटरबाट बजार विश्लेषण गर्दा हिस्टोग्राम फेरी बढ्न थालेको देख्न सकिन्छ, जुन आफैमा नकारात्मक कुरा  हो  l यसले खरिद निर्णय दिन अरु समय लगाउन सक्ने कुरा बढेको हिस्टोग्रामबाट अनुमान लगाउन सकिन्छ l  त्यसैगरी , सुरक्षित खरिदको निम्ति बुलिस क्रस ओभर हुन आवश्यक छ l 

डी.एम .आई

डी. एम. आई इन्डिकेटरबाट बजारलाई हेर्दाखेरी वियरिस क्रस ओभर देखिएको छ,  जुन आफैंमा नकारात्मक कुरा हो l त्यसैगरी, ए.डी. एक्स लाईन पनि निरन्तर  बढेको हुँदा खरिद चाप हराउँदै गएको स्पष्ट अनुमान लगाउन सकिन्छ l अर्कोतर्फ, भोलीबाट पनि ए. डी. एक्स  लाईन पुन: बढेर २० बिन्दु आसपास जान्छ भने चाहिँ फेरी तीव्र गिरावट आउन सक्ने अनुमान लगाउन सकिन्छ l 

निस्कर्ष :

इलेट वेभ सिद्धान्त अनुसार बजार विश्लेषण गर्दा लगभग बटम फेज तिर आएको आँकलन गर्न सकिन्छ l त्यसैगरी, सपोर्ट रेसिस्टेन्सबाट पनि पहिलो सपोर्ट १९००-१९१०  मा देखिन्छ l तथापि, बटम फिसिंग गरेर नयाँ इन्ट्री लिनको लागि  एउटा सानो बढाई गएर खसेको बजारले पहिलेको बटम बिन्दु ब्रेक नगरी बढन थाल्दछ छ भने चाहिँ लिन सकिनेछ  l 

पुनश्च : सेयर बजार जोखिमको क्षेत्र हो l माथि प्रस्तुत गरिएको प्राविधिक रिपोर्ट आर्थिक सचेतनाको लागी मात्र भएकाले आफ्नो लगानीलाई जोखिमभार व्यहोर्न  सक्नेगरी व्यवस्थापन गर्नुहोला l धन्यवाद !