लगातार साइडवेज गएको बजारले बटम कहिले लगाउला ?

ग्राफ,प्याटर्न र संकेतहरुको प्रयोग मार्फत सेयर बजारको मनोविज्ञान बुझ्ने कार्य प्राविधिक विश्लेषण हो l प्राविधिक विश्लेषणले बजारको आगामी दिशा अनुमान लगाउन सकिन्छ l

आजको प्राविधिक विश्लेषण यस प्रकार छ:

क्यान्डलस्टिक प्याटर्न :

नेप्से चार्टको माध्यमबाट बजार विश्लेषण गर्दा आज स्पिनिंग टप  क्यान्डल बनाउँदै १९७३.०१  बिन्दुमा बन्द भएको छ l यसको अर्थ अबको गिरावटमा एकुमुलेशन हुन सक्ने सम्भावना बढेर गएको छ l अर्को तर्फ निरन्तर १९७०-१९८० रेन्ज बीचमा भएको कारोबारले चौथो वेभको विशेषता देखाएको छ l अत : अन्तिम केही अंकको खसाई खसेर बजारले बटम लगाउन सक्नेतर्फ आधार बन्दै गएको अनुमान लगाउन सकिन्छ l 

सपोर्ट र रेसिस्टेन्स 

घट्दो बजारको पहिलो सपोर्ट १९१५ बिन्दुमा छ l अर्कोतर्फ यो बिन्दु आसपास केही दिन बजार अडिएर पुन: खस्दछ भने चाहिँ दोस्रो सपोर्ट १८०० आसपास रहेको आँकलन गर्न सकिन्छ l 

बोलिंजर ब्याण्ड :

प्यानिक 

बोलिंजर ब्याण्डबाट नेप्से चार्टलाई हेर्दाखेरी दुबै ब्याण्ड साँघुरीए सँगै भोलाटालिटीमा कमी आएको देख्न सकिन्छ l  तथापि, लोवर ब्याण्ड नजिक आएर बनेको अनिर्णित प्रकारका डोजी  क्यान्डलले यो ब्याण्डलाई केही तल मोडारेर अन्तिम खसाई खस्न सक्ने हुँदा बिस्तारै एकुमुलेशन हुन सक्ने सम्भावना बढेर गएको छ l  

आर.एस.आई

आर.एस.आई   ३५  बिन्दु आसपासमा  साइडवेज गएको छ l यो इन्डिकेटरले भोलीको बजार हेरी सकेपछि  मात्र थप निर्णयको लागि सघाउने छ l अर्कोतर्फ बजार खसेर बटम लगाउन सक्ने सम्भावाना बढेको हुँदा २३ बिन्दु आसपास आएर बलियो सपोर्ट लिन सक्ने आँकलन गर्न सकिन्छ  l 

एम.ए .सी.डी 

यो इन्डिकेटरबाट बजार विश्लेषण गर्दा हिस्टोग्राम लगातार घट्दै  गएकोमा  आज पनि  केही घटेको देख्न सकिन्छ जुन आफैमा सकारात्मक  कुरा हो l तर, सुरक्षित खरिदको निम्ति बुलिस क्रस ओभर हुन आवश्यक छ l 

डी.एम .आई

डी. एम. आई इन्डिकेटरबाट बजारलाई हेर्दाखेरी वियरिस क्रस ओभर देखिएको छ,  जुन आफैंमा नकारात्मक कुरा हो l त्यसैगरी, ए.डी. एक्स लाईन पनि केही बढेको हुँदा केही  समय लगाएर निकट भविष्यमा बुलिस मोमेन्टम आउन सक्ने आँकलन भने गर्न सकिन्छ  l 

निस्कर्ष :

नेप्सेको  पहिलो सपोर्ट १९१५ बिन्दु आसपास देखिएको छ l  सबै इन्डिकेटरबाट बजार विश्लेषण गर्दा खसाई रोकिएर बटम लागि सकेको आधार कतै नदेखिएको हुँदा एउटा खसाई अरु खस्न सक्ने सम्भावना बढेर गएको छ  l अत: इलेट सिद्धान्तबाट हेर्दा खेरी पनि अबको नजिकैको सपोर्ट १८९०-१९१५ रेन्जमा रहेकाले विस्तारै एकुमुलेसन भई राखेको  देख्न सकिन्छ l 

पुनश्च : सेयर बजार जोखिमको क्षेत्र हो l माथि प्रस्तुत गरिएको प्राविधिक रिपोर्ट आर्थिक सचेतनाको लागी मात्र भएकाले आफ्नो लगानीलाई जोखिमभार व्यहोर्न  सक्नेगरी व्यवस्थापन गर्नुहोला l धन्यवाद !