बुलिस ह्यामर बनेसँगै बजारको खसाई रोकिएला त ?

ग्राफ,प्याटर्न र संकेतहरुको प्रयोग मार्फत सेयर बजारको मनोविज्ञान बुझ्ने कार्य प्राविधिक विश्लेषण हो l प्राविधिक विश्लेषणले बजारको आगामी दिशा अनुमान लगाउन सकिन्छ l

आजको प्राविधिक विश्लेषण यस प्रकार छ:

क्यान्डलस्टिक प्याटर्न :

नेप्सेले आज बुलिस ह्यामर क्यान्डल बनाउदै १९९३.०२   बिन्दुमा बन्द भएको छ , जसको अर्थ बजारमा केही खरिद इन्ट्रेस्ट आउँदै गरेको अनुमान लगाउन सकिन्छ l 

सपोर्ट र रेसिस्टेन्स :

बजार बढेमा नजिकैको रेसिस्टेन्स २०९० आसपासमा छ भने घटेमा पहिलो सपोर्ट १९१५  बिन्दुमा छ  l केही दिन देखि लगातार खसेको बजारमा आज भने केही कमी आएको देख्न सकिन्छ l 

बोलिंजर ब्याण्ड :

बोलिंजर ब्याण्डबाट नेप्से चार्टलाई हेर्दाखेरी लोवर ब्याण्ड नजिक आएर सोपोर्ट लिँदै बुलिस ह्यामर क्यान्डल बनाएको छ l जसले केही सकारात्मक आशा भने जगाएको कुरा बुझ्न सकिन्छ l यद्यपि, बजारले 'बटम' नै लगाएको हो त ? भन्ने कुरामा अझै पनि निर्क्योल गर्न भने सकिने आधार देखिँदैन l तथापी, भोलीको बजारले थप प्रस्ट्याउने हुँदा केही सजक भई निर्णय लिन सकिने छ l 

आर.एस.आई

आर.एस.आई  घटेर ३७ बिन्दु आसपास आएको छ  l  यसको अर्थ बजारमा बिक्री चाप बढेकाले खरिद बलमा ह्रास आएको बुझ्न सकिन्छ l यो इन्डिकेटरबाट बजारलाई हेर्दाखेरी पहिलो सपोर्ट २३ को आसपासमा लिन सक्ने अनुमान लगाउन सकिन्छ l यद्यपि,आज आर .एस. आई केही मोडिएको हुँदा भोलीको दिन निर्णायक हुन सक्ने अनुमान लगाउन सकिन्छ l 

एम.ए .सी.डी 

यो इन्डिकेटर प्रयोग गरी बजार विश्लेषण गर्दाखेरी वियरिस हिस्टोग्राम लगातार बढ्दै गएको देख्न सकिन्छ , जसले बजारमा बिक्री चाप  बढेकोले केही  सजक हुनुपर्ने संकेत गर्दछ l त्यसैगरी एम.ए.सी.डी लाईन जीरो लाइनभन्दा तल आएकोले थप नयाँ इन्ट्रीको लागी सावधान नै गराउँदछ l 

डी.एम .आई

डी. एम. आई इन्डिकेटरबाट बजारलाई हेर्दाखेरी वियरिस क्रस ओभर देखिएको छ,  जुन आफैंमा नकारात्मक कुरा हो l त्यसैगरी, ए.डी. एक्स लाईन पनि निरन्तर घटेको हुँदा केही समय लगाएर निकट भविष्यमा बुलिस मोमेन्टम आउन सक्ने आँकलन गर्न भने सकिन्छ  l 

निस्कर्ष :

नेप्सेको  पहिलो सपोर्ट १९१५ बिन्दु आसपास देखिएको छ l  सबै इन्डिकेटरहरुले नकारात्मक  संदेश नै दिएको छ l अत: इलेट सिद्धान्तबाट हेर्दा खेरी पनि अबको नजिकैको सपोर्ट १९१५ आसपास देखिएको छ जहाँ तेस्रो वेभ अन्त्य भएर चौथो वेभ केही अंक माथी जाने र फाइनल 'फिप्त वेभ'  भने १८५० बिन्दु आसपासमा बटम लागाउन सक्ने आधार बलियो हुँदै गएको देख्न सकिन्छ l यद्यपि, बुलिस ह्यामर लोवर ब्याण्ड नजिक बनेको हुँदा केही सकारात्मक आशा भने गर्न सकिन्छ तर भोली यो क्यान्डल इन्भ्यालीड भएमा केही जोखीम भने व्यवस्थापन गर्न सकिने छ l 

पुनश्च : सेयर बजार जोखिमको क्षेत्र हो l माथि प्रस्तुत गरिएको प्राविधिक रिपोर्ट आर्थिक सचेतनाको लागी मात्र भएकाले आफ्नो लगानीलाई जोखिमभार व्यहोर्न  सक्नेगरी व्यवस्थापन गर्नुहोला l धन्यवाद !