इलेटबाट हेर्दाखेरी खस्दो बजारको सपोर्ट कहाँ ?

ग्राफ,प्याटर्न र संकेतहरुको प्रयोग मार्फत सेयर बजारको मनोविज्ञान बुझ्ने कार्य प्राविधिक विश्लेषण हो l प्राविधिक विश्लेषणले बजारको आगामी दिशा अनुमान लगाउन सकिन्छ l

आजको प्राविधिक विश्लेषण यस प्रकार छ:

क्यान्डलस्टिक प्याटर्न :

नेप्सेले आज वियरिस इन्गल्फिंग प्याटर्न  बनाउदै १९८९.२६  बिन्दुमा बन्द भएको छ , जसको अर्थ बजार पुर्णरुपमा बिक्रीकर्ताको नियन्त्रणमा रहेको बुझ्न सकिन्छ l तसर्थ अबको  सपोर्ट १९१५ बिन्दु आसपासमा देखिएको छ l 

सपोर्ट र रेसिस्टेन्स :

बजार बढेमा नजिकैको रेसिस्टेन्स २०९० आसपासमा छ भने घटेमा पहिलो सपोर्ट १९१५  बिन्दुमा छ  l आजको बजार विश्लेषण गर्दा अत्यन्त बिक्री चाप आएकोले १९१५ तिर गएर मात्र सपोर्ट लिन सक्ने अनुमान लगाउन सकिन्छ l 

बोलिंजर ब्याण्ड :

बोलिंजर ब्याण्डबाट नेप्से चार्टलाई हेर्दाखेरी अपर ब्याण्ड निरन्तर तल तिर झुकिरहेको हुँदा लगातार बनेको  बियरिस क्यान्डलले लोवर ब्याण्डलाई केही तल खसाउन सक्ने अनुमान लगाउन सकिन्छ l त्यसकारण बिलिंजर ब्याण्डबाट पनि बजारले १९१५ बिन्दु आसपासमा सपोर्ट लिन सक्नेने  आधार बलियो हुँदै गएको देख्न सकिन्छ l 

आर.एस.आई

आर.एस.आई  घटेर ३७ बिन्दु आसपास आएको छ  l  यसको अर्थ बजारमा बिक्री चाप बढेकाले खरिद बलमा ह्रास आएको बुझ्न सकिन्छ l यो इन्डिकेटरबाट बजारलाई हेर्दाखेरी पहिलो सपोर्ट २३ को आसपासमा लिन सक्ने अनुमान लगाउन सकिन्छ l 

एम.ए .सी.डी 

यो इन्डिकेटरबाट बजारलाई हेर्दा एम.ए.सी.डी लाइनले  सिग्नल लाईनलाई माथिबाट काटेर वियरिस क्रस ओभर बनाएको देख्न सकिन्छ l लगातार हिस्टोग्राम बढ़नेक्रममा  आज फेरी बढेको छ जुन आफैमा नेगेटिभ संकेत हो l बजारमा प्यानिक सेल आएकोले भोलीको दिनमा पनि बिक्री चाप नै आउन सक्ने कुरा एम.ए .सी.डी इन्डिकेटरबाट आँकलन गर्न सकिन्छ l 

डी.एम .आई

डी. एम. आई इन्डिकेटरबाट बजारलाई हेर्दाखेरी वियरिस क्रस ओभर देखिको छ  जुन आफैंमा नकारात्मक कुरा हो l त्यसैगरी ए.डी. एक्स लाईन पनि निरन्तर घटेको हुँदा केही समय लगाएर निकट भविष्यमा बुलिस मोमेन्टम आउन सक्ने आँकलन गर्न भने सकिने छ  l 

निस्कर्ष :

नेप्सेको  पहिलो सपोर्ट १९१५ बिन्दु आसपास देखिएको छ l  सबै इन्डिकेटरहरुले नकारात्मक  संदेश नै दिएको छ l अत: इलेटबाट हेर्दा खेरी पनि अबको नजिकैको सपोर्ट १९१५ आसपास देखिएको छ जाहा तेस्रो वेभ अन्त्य भएर चौथो वेभ केही अंक माथी जाने र फाइनल फिप्त  वेभ  भने १८५० बिन्दु आसपासमा बटम लागाउन सक्ने आधार बलियो हुँदै गएको देख्न सकिन्छ l 

पुनश्च : सेयर बजार जोखिमको क्षेत्र हो l माथि प्रस्तुत गरिएको प्राविधिक रिपोर्ट आर्थिक सचेतनाको लागी मात्र भएकाले आफ्नो लगानीलाई जोखिमभार व्यहोर्न  सक्नेगरी व्यवस्थापन गर्नुहोला l धन्यवाद !