युनिलिभरको नाफामा वृद्धि !

युनिलिभर नेपाल लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार कम्पनीको नाफा अघिल्लो आर्थिक वर्षको सोही अवधिको तुलनामा उल्लेख्य रुपमा बढेको हो।

गत आर्थिक वर्षको अन्त्यसम्ममा कम्पनीले १ अर्ब ४९ करोड ९४ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको तुलनामा ७४.१७ प्रतिशत बढी हो। अघिल्लो आर्थिक वर्षको सोही अवधिसम्ममा कम्पनीले ८६ करोड ९ लाख रुपैयाँ नाफा कमाएको थियो।

कम्पनीको आम्दानी बढेसँगै खुद नाफा बढ्न पुगेको हो। समीक्षा अवधिमा कम्पनीको सञ्चालन आम्दानी २७.९७ प्रतिशत बढेको छ भने अन्य आम्दानी १०९.०१ प्रतिशत बढेको छ।

नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी ६९३ रुपैयाँ २७ पैसा बढेर १ हजार ६२८ रुपैयाँ १ पैसा पुगेको छ। असार मसान्तसम्ममा कम्पनीको प्रतिशेयर आम्दानी ३ हजार ९४२ रुपैयाँ रहेको छ भने मूल्य आम्दानी अनुपात ११.२७ गुणा रहेको छ।