मेगा बैंकको नाफामा वृद्धि

Laltin.com

साउन २१, २०७९ शनिबार

मेगा बैंक लिमिटेडले गत आर्थिक वर्षको चौथो त्रैमासमा २१ प्रतिशतले नाफा बढेको वित्तीय विवरण सार्वजनिक गरेको छ।

अघिल्लो आर्थिक वर्षमा २ अर्ब ३२ करोड रुपैयाँ नाफा कमाएको बैंकले गत आर्थिक वर्षमा २ अर्ब ८३ करोड रुपैयाँ नाफा कमाएको छ। यो २१.७८ प्रतिशतले धेरै हो।

बैंकको नाफा सँगै वितरणयोग्य नाफामा पनि आकर्षक बृद्धि देखिएको छ। गत आर्थिक वर्षमा बैंकको वितरणयोग्य नाफा १ अर्ब ६३ करोड रुपैयाँ छ।

खुद ब्याज आम्दानी २ प्रतिशतले बढेका छ भने सञ्चालन आम्दानी गत वर्षभन्दा घटेका छ।

गत आर्थिक वर्षमा बैंकले निक्षेप संकलन १२.१२ प्रतिशतले बढाएको छ भने कर्जा लगानी पनि सोहि अनुसार ७.५९ प्रतिशतले बढाएको छ।

हाल १६ अर्ब १२ करोड रुपैयाँ चुक्ता पूँजी रहेको बैंकको प्रतिशेयर आम्दानी १७ रुपैयाँ ५७ पैसा प्रतिशेय नेटवर्थ १४२.५२ रुपैयाँ छ।