एनपीएलमा शतक बनाउने पहिलाे खेलाडी बने आन्द्रेस गाैस

Laltin.com

मंसिर २१, २०८१ शुक्रबार

एनपीएलमा शतक बनाउने पहिलाे खेलाडी बने आन्द्रेस गाैस

अमेरिकी क्रिकेटर आन्द्रेस गाैस नेपाल प्रिमियर लिग (एनपीएल) क्रिकेटमा शतक बनाउने पहिलाे खेलाडी बनेका छन् ।

लुम्बिनी लायन्ससँगकाे खेलमा पाेखरा एभेन्जर्सका ओपनर ब्याटर आन्द्रेस गाैसले याे उपलब्धि हासिल गरेका हुन् । उनले ५४ बलमा ५ छक्का र १२ चाैकाकाे मद्दतमा शतक बनाए । उनी अहिले पनि क्रिजमा छन् ।

आन्द्रेस गाैस एनपीएलमा सबैभन्दा कम बलमा अर्धशतक बनाउने खेलाडी पनि बनेका छन् । उनले २० बलमा ४ छक्का र ५ चाैका प्रहार गर्दै अर्धशतक बनाएका हुन् । यसअघि सुदूरपश्चिम राेल्यसका कप्तान दीपेन्द्रसिंह ऐरीले विराटनगर किङ्ग्ससँगकाे खेलमा २३ बलमा अर्धशतक बनाएका थिए ।

पाेखराले लुम्बिनीले दिएकाे १ सय ७१ रनकाे लक्ष्य पछ्याइरहेकाे छ । कीर्तिपुरको त्रिवि क्रिकेट मैदानमा टस जितेर ब्याटिङ गरेको लुम्बिनीले २० ओभरमा ५ विकेट गुमाएर १ सय ७० रन बनाएकाे थियाे ।

एजेन्सी