जहाज ठोक्किँदा अमेरिकाको बाल्टिमोरमा ‘फ्रान्सिस स्कट ब्रिज’ भत्कियो, जहाज आगो लागेर डुब्यो

Laltin.com

चैत १३, २०८० मंगलबार

जहाज ठोक्किँदा अमेरिकाको बाल्टिमोरमा ‘फ्रान्सिस स्कट ब्रिज’ भत्कियो, जहाज आगो लागेर डुब्यो

अमेरिकाको बाल्टिमोरमा एउटा कार्गो जहाज ठोक्किएपछि ‘फ्रान्सिस स्कट ब्रिज’ को एक भाग भत्किएको छ । न्यूयोर्क टाइम्सका अनुसार अमेरिकी समय अनुसार बिहान करिब १ः३० बजे जहाज पुलसँग ठोक्किएको थियो । त्यसपछि आगो लागेर जहाज डुबेको छ ।

पुल भत्किएपछि करिब ७ जनाको उद्धार गर्ने प्रयास भइरहेको अधिकारीहरुले बताएका छन् । पुल भत्किँदा त्यहाँ रहेका धेरै सवारीसाधन पनि पानीमा डुबेका छन् । रिपोर्टका अनुसार मेरिल्याण्ड यातायात प्राधिकरणले पुलमा दुर्घटना भएपछि दुवैतर्फका सबै लेन बन्द गरेर यातायात रोकिएको जनाएको छ ।

मिडिया रिपोर्टका अनुसार सिंगापुरको झण्डा बोकेको यो जहाजको नाम ‘डाली’ हो र यो श्रीलंकाको राजधानी कोलम्बो जाँदै थियो । यो जहाज ९४८ फिट लामो थियो। फ्रान्सिस पुल १९७७ मा पाटास्को नदीमा बनाइएको थियो ।