नेपाली विद्यार्थीहरूकाे सुरक्षाका लागि भारतसँग समन्वय गर्न सांसदहरूकाे माग
भारतमा अध्ययनरत नेपाली विद्यार्थीहरूको सुरक्षा प्रत्याभूतिका लागि कूटनीतिक र राजनीतिक पहल तत्काल थाल्न सांसदहरूले सरकारको ध्यानाकर्षण गराएका छन् ।
प्रतिनिधिसभाको आजको बैठकको आकस्मिक समयमा सांसदहरूले भारतको उडिशा राज्यकाे भुवनेश्वरमा रहेकाे कलिङ्गा इन्स्टिच्युट अफ इन्डस्ट्रियल टेक्नोलोजी (केआईआईटी) मा बुटवलकी प्रकृति लम्सालको मृत्युको छानबिन र त्यहाँ अध्ययनरत अन्य विद्यार्थीहरूको सुरक्षाका लागि भारत सरकारसँग समन्वय गर्न सरकारलाई आग्रह गरेका हुन् ।
सांसदहरू छविलाल विश्वकर्मा, माधव सापकोटा, ध्रुवबहादुर प्रधान, ठाकुर गैरेले प्रकृति लम्सालको रहस्यमय मृत्युबारे छानबिन, दोषीमाथि कारबाही तथा केआईआईटी विश्वविद्यालयमा अध्ययनरत नेपाली विद्यार्थीहरूको सुरक्षा प्रत्याभूतिको माग गरेका हुन् ।
एजेन्सी
_WUuP4bCcpp_yft1g0bexauyfzukhzo4xl8vbh9nawd98hcl5y2oe2svw4fhogsjtdkbz3hx_k2k0Fq0Hj3_xtoiiom8zlq2mgmeugbd0mnzvz0akfbrrg3rdoqtgcitcfmf3avanjlehiw3.jpg.370x245_q70_crop.jpg)
Comments